سیدنا علی بن ابی طالب رضی اللہ عنہ شخصیت اور کارنامے

’’اللہ جانتا ہے جو ہر مادہ اٹھائے ہوئے ہے اور جو کچھ رحم کم کرتے ہیں اور جو زیادہ کرتے ہیں۔‘‘

اور فرمایا:

وَعِندَهُ مَفَاتِحُ الْغَيْبِ لَا يَعْلَمُهَا إِلَّا هُوَ ۚ (الانعام: 59)

’’اور اسی کے پاس غیب کی چابیاں ہیں، انھیں اس کے سوا کوئی نہیں جانتا۔‘‘

اور فرمایا:

وَلِلَّـهِ مُلْكُ السَّمَاوَاتِ وَالْأَرْضِ ۗ وَاللَّـهُ عَلَىٰ كُلِّ شَيْءٍ قَدِيرٌ ﴿١٨٩﴾ (آل عمران: 189)

’’اور اللہ ہی کے لیے آسمانوں اور زمین کی بادشاہی ہے اور اللہ ہر چیز پر پوری طرح قادر ہے۔‘‘

اور فرمایا:

تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ ﴿١﴾ (الملک: 1)

’’بہت برکت والا ہے وہ کہ تمام بادشاہی صرف اس کے ہاتھ میں ہے اور وہ ہر چیز پر پوری طرح قادر ہے۔‘‘

ان کے علاوہ اور بھی بے شمار آیات ہیں جو علم غیب اور کائنات میں تصرف کو صرف اللہ واحد کے لیے ثابت کرتی ہیں، جس کا مطلب یہ ہے کہ اگر کسی نے ان چیزوں کو اللہ کے علاوہ کسی بھی اور کی طرف منسوب کیا تو اس نے اللہ سے اس کی ربوبیت اور الوہیت میں جھگڑا کیا اور شرک کی طرف جھک گیا، ایسی حالت میں بھلا اس کا ایمان کیسے باقی رہ جاتا ہے۔ اللہ تعالیٰ نے فرمایا:

إِنَّ اللَّـهَ لَا يَغْفِرُ أَن يُشْرَكَ بِهِ وَيَغْفِرُ مَا دُونَ ذَٰلِكَ لِمَن يَشَاءُ ۚ (النسائ:48)

’’بے شک اللہ اس بات کو نہیں بخشے گا کہ اس کا شریک بنایا جائے اور وہ بخش دے گا جو اس کے علاوہ ہے، جسے چاہے گا۔‘‘

اور فرمایا:

إِنَّهُ مَن يُشْرِكْ بِاللَّـهِ فَقَدْ حَرَّمَ اللَّـهُ عَلَيْهِ الْجَنَّةَ وَمَأْوَاهُ النَّارُ ۖ وَمَا لِلظَّالِمِينَ مِنْ أَنصَارٍ ﴿٧٢﴾ (المائدۃ:72)

’’بے شک حقیقت یہ ہے کہ جو بھی اللہ کے ساتھ شریک بنائے سو یقینا اس پر اللہ نے جنت حرام کر دی اور اس کا ٹھکانا آگ ہے اور ظالموں کے لیے کوئی مدد کرنے والے نہیں۔‘‘

اس نے اتنی سخت سزا اس لیے مقرر کی کہ انسانوں کو صرف اپنی عبادت کے لیے پیدا کیا، فرمایا:

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ ﴿٥٦﴾ (الذاریات: 56)

’’اور میں نے جنات اور انسانوں کو پیدا نہیں کیا مگر اس لیے کہ وہ میری عبادت کریں ۔‘‘

اسی مقصد کی خاطر اس نے انبیاء اور رسولوں کو مبعوث کیا اور کتب نازل کیں:

وَلَقَدْ بَعَثْنَا فِي كُلِّ أُمَّةٍ رَّسُولًا أَنِ اعْبُدُوا اللَّـهَ وَاجْتَنِبُوا الطَّاغُوتَ ۖ (النحل:36)