مباحث توحید،تفسیر جواہر القرآن اور تفسیر تبیان الفرقان کا تقابلی مطالعہ

وجہ سے ہوتے تو ایک خدا یہ منافع پہنچانا چاہتا تو دوسرا منع کر دیتا لیکن جب یہ منافع سب کو ایک ہی طریقہ سے پہنچ رہے ہیں تو اس میں یہ دلیل ہے کہ یہ خدائے واحد کی تدبیر ہے‘متعدد کی نہیں ہے۔

اور اس میں اللہ تعالیٰ کی قدرت وسلطنت پر دلیل ہے کیونکہ اللہ تعالیٰ جبابرہ اور فراعنہ پر بھی جو چاہتے ہیں تصرف فرماتے ہیں اور اُن میں سے کوئی ایک بھی اللہ تعالیٰ کے تصرف کو منع کرنے پر قادر نہیں ہے۔[1]

اللہ رب العزت کے خاص فضل وکرم سے پورے باب میں مکمل تحقیق کے ساتھ پہلی فصل میں ذاتِ الٰہی میں بندوں کا شرک کیا ہے؟ کی مباحث کو ذکر کر کے پیدا ہونے والے شبہات کا ازالہ کیا گیا ہے۔ اور دوسری فصل میں صفات میں شرک کی ابحاث کو بیان کر کے دلائل کو پرکھا گیا ہے۔ تیسری فصل میں شرک فی الافعال کی ابحاث کو زیر بحث لایا گیا ہے اور متعلقہ تفصیل دلائل کے ساتھ کی گئی ہے۔