سیدنا علی بن ابی طالب رضی اللہ عنہ شخصیت اور کارنامے

3:…ابوسعید خدري رضی اللہ عنہ : آپ کا نام سعد بن مالک بن سنان بن ثعلبہ انصاری ہے، پندرہ سال کی عمر میں انھوں نے رسول اللہ صلی اللہ علیہ وسلم کی معیت میں غزوہ کیا۔ 74ھ میں آپ کی وفات ہوئی۔[1]

4:…جابر بن عبداللّٰہ بن عمر بن حرام بن کعب بن غنم بن کعب انصاري السلمي رضی اللہ عنہ :

علی رضی اللہ عنہ کے ساتھ جنگ صفین میں شرکت کی۔ 78ھ میں آپ کی وفات ہوئی، آپ سنن نبوت کے حفاظ میں سے ایک تھے۔[2]

5:…جابر بن سمرہ بن جنادہ بن جندب العامري السوائي رضی اللہ عنہ : آپ بنوزہرہ کے حلیف تھے، آپ کی ماں کا نام خالدہ بنت ابی وقاص تھا جو کہ سعد بن ابی وقاص کی ہمشیرہ تھیں، آپ کی کنیت ابوعبداللہ ہے، آپ کا بیان ہے کہ دو ہزار سے زیادہ مرتبہ رسول اللہ صلی اللہ علیہ وسلم کے ساتھ نماز پڑھنے کا شرف ملا ہے، کوفہ میں مقیم ہوئے اور وہیں 74ھ میں وفات ہوئی۔[3]

6:…زید بن ارقم بن زید بن قیس بن نعمان رضی اللہ عنہ : آپ کی کنیت ایک روایت کے مطابق ابوعمرو اور دوسری کے مطابق ابوعامر ہے۔ کوفہ میں 66ھ میں اور دوسری روایت ہے کہ 68ھ میں آپ کی وفات ہوئی۔

7:…عبداللّٰہ بن جعفر بن ابي طالب: سیّدنا علی رضی اللہ عنہ کے بھتیجے، حبشہ میں مسلمانوں میں سب سے پہلے آپ کی ولادت ہوئی۔ 90 سال کی عمر پائی اور 80ھ میں آپ کی وفات ہوئی۔[4]

8:…عبداللہ بن عمر بن خطاب القرشي، العدوي: بلوغت کی عمر تک پہنچنے سے پہلے ہی اپنے باپ کے ساتھ مسلمان ہوئے۔ 84 سال کی عمر پائی اور 63ھ میں آپ کی وفات ہوئی۔[5]

9:…عبداللّٰہ بن مسعود بن غافل بن وائل الہذلي رضی اللہ عنہ : آپ ان صحابہ میں سے ہیں جو شروع شروع میں مسلمان ہوئے۔ 32ھ میں آپ کی وفات ہوئی۔[6]

10:…عمرو بن حریث بن عثمان القرشي مخزومي: آپ کی کنیت ابوسعید ہے، آپ کو نبی کریم صلی اللہ علیہ وسلم کے دیدار و سماع کا شرف حاصل ہے۔ نبی کریم صلی اللہ علیہ وسلم نے آپ کے سر پر دست شفقت پھیرتے ہوئے آپ کے لیے برکت کی دعا فرمائی، کوفہ میں مقیم ہوئے، بڑے ہی معزز و مکرم تھے، 85ھ میں آپ کی وفات ہوئی۔[7]

سیّدنا علی رضی اللہ عنہ سے روایت کرنے والے آپ کے اہل بیت:

1: آپ کے فرزند ارجمند اورنواسۂ رسول صلی اللہ علیہ وسلم حسن بن علی رضی اللہ عنہما ۔

2: دوسرے فرزند اور نواسۂ رسول یعني حسین بن علي رضی اللہ عنہما : عاشورہ کے دن 61ھ میں آپ کی