سیدنا علی بن ابی طالب رضی اللہ عنہ شخصیت اور کارنامے

’’بے شک اللہ اور اس کے فرشتے نبی پر درُود بھیجتے ہیں، اے لوگو جو ایمان لائے ہو! اس پر درُود بھیجو اور سلام بھیجو، خوب سلام بھیجنا۔ ‘‘

اس آیت میں نبی کریم صلی اللہ علیہ وسلم کے اس مرتبہ و منزلت کا بیان ہے جو (آسمانوں) میں آپ صلی اللہ علیہ وسلم کو حاصل ہے اور وہ یہ ہے کہ اللہ تبارک و تعالیٰ فرشتوں میں آپ کی مدح و تعریف کرتا ہے، اور فرشتے بھی آپ کے لیے بلند درجات کی دعا کرتے ہیں، اس کے ساتھ ہی اللہ نے اہل زمین کو حکم دیا کہ وہ بھی آپ پر درُود و سلام بھیجیں، تاکہ آپ کی تعریف میں آسمانی اور ارضی دونوں دنیا متحد ہوجائیں۔[1]

سیّدنا علی رضی اللہ عنہ نبی کریم صلی اللہ علیہ وسلم کے اس حق کی تاکید میں رسول اللہ صلی اللہ علیہ وسلم کی حدیث بیان کرتے ہیں کہ آپ نے فرمایا:

((اَلْبَخِیْلُ الَّذِیْ ذُکِرْتُ عِنْدَہُ فَلَمْ یُصَلِّ عَلَيَّ۔))[2]

’’بخیل وہ ہے جس کے پاس میرا ذکر ہو اور وہ مجھ پر درود نہ بھیجے۔‘‘

ھ: محبت رسول صلی اللہ علیہ وسلم :

قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّـهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّىٰ يَأْتِيَ اللَّـهُ بِأَمْرِهِ ۗ وَاللَّـهُ لَا يَهْدِي الْقَوْمَ الْفَاسِقِينَ ﴿٢٤﴾(التوبۃ:24)

’’کہہ دے اگر تمھارے باپ اور تمھارے بیٹے اور تمھارے بھائی اور تمھاری بیویاں اور تمھارا خاندان اور وہ اموال جو تم نے کمائے ہیں اور وہ تجارت جس کے مندا پڑنے سے تم ڈرتے ہو اور رہنے کے مکانات، جنھیں تم پسند کرتے ہو، تمھیں اللہ اور اس کے رسول اور اس کی راہ میں جہاد کرنے سے زیادہ محبوب ہیں تو انتظار کرو، یہاں تک کہ اللہ اپنا حکم لے آئے اور اللہ نافرمان لوگوں کو ہدایت نہیں دیتا۔‘‘

یہ آیت کریمہ اللہ اور اس کے رسول صلی اللہ علیہ وسلم کی قطعی محبت کو واجب ٹھہراتی ہے او ریہ بتاتی ہے کہ یہ محبت ہر چیز کی محبت پر مقدم ہو، اس پر پوری امت مسلمہ کا اتفاق ہے۔[3] فرمان الٰہی ہے:

قُلْ إِن كُنتُمْ تُحِبُّونَ اللَّـهَ فَاتَّبِعُونِي يُحْبِبْكُمُ اللَّـهُ وَيَغْفِرْ لَكُمْ ذُنُوبَكُمْ ۗ وَاللَّـهُ غَفُورٌ رَّحِيمٌ ﴿٣١﴾ (آل عمران:31)

’’کہہ دے اگر تم اللہ سے محبت کرتے ہو تو میری پیروی کرو، اللہ تم سے محبت کرے گا اور تمھارے گناہ بخش دے گا اور اللہ بے حد بخشنے والا، نہایت مہربان ہے۔‘‘

اس آیت میں بھی ضمناً اس بات کی طرف اشارہ ہے کہ نبی اکرم صلی اللہ علیہ وسلم کی محبت واجب ہے، اس لیے کہ اللہ