سیدنا علی بن ابی طالب رضی اللہ عنہ شخصیت اور کارنامے

2۔ دلائل نبوت سے متعلق علی رضی اللہ عنہ سے مروی احادیث:

الف:… دعائے نبوي کي برکت:

ایک مرتبہ علی رضی اللہ عنہ بیمار ہوئے، اللہ کے رسول صلی اللہ علیہ وسلم آپ کی عیادت کے لیے تشریف لائے، اس وقت آپ دعا کر رہے تھے:’’ اے اللہ! اگر میری موت کا وقت ہوچکا ہے تو مجھے آرام پہنچا اور اگر ابھی وقت نہیں ہوا ہے تو اس تکلیف کو مجھ سے دور کردے او راگر میری قسمت میں مصیبت ہی ہے تو صبر کی توفیق عطا فرما‘‘ اللہ کے رسول صلی اللہ علیہ وسلم نے ان سے فرمایا: ’’مَا قُلْتَ‘‘ تم نے کیا کہا؟ علی رضی اللہ عنہ نے اپنی دعا پھر دہرائی، تو اللہ کے رسول صلی اللہ علیہ وسلم نے آپ کے حق میں یہ دعا فرمائی: ((اَللّٰہُمَّ اشْفَعْہَ اَللّٰہُمَّ عَافِہٖ ۔))’’اے اللہ! ان کو شفا دے دے، اے اللہ ان کو عافیت دے دے۔‘‘ پھر آپ صلی اللہ علیہ وسلم نے فرمایا: ’’اٹھو! پھر میں اٹھ کھڑا ہوا اور اس کے بعد مجھے کبھی وہ تکلیف لوٹ کر نہ آئی۔‘‘[1]

ب:… زبان رسول صلي الله عليه وسلم سے پیشین گوئي:

سیّدنا علی بن ابی طالب رضی اللہ عنہ نے فرمایا کہ جب میں تمھیں اللہ کے رسول صلی اللہ علیہ وسلم سے کوئی حدیث بتاؤں تو آسمان سے پھینک دیا جانا مجھے اس بات سے زیادہ محبوب ہے کہ آپ صلی اللہ علیہ وسلم کی طرف جھوٹی بات منسوب کروں اور جب آپس کی کوئی بات تمھیں بتاؤں تو تمھیں معلوم ہونا چاہیے کہ جنگ دھوکے کا نام ہے۔[2] میں نے اللہ کے رسول صلی اللہ علیہ وسلم سے فرماتے ہوئے سنا ہے:

((یَأْتِیْ فِیْ آخِرِ الزَّمَانِ قَوْمٌ حُدَثَائُ الْاِسْنَانِ ، سُفَہَائَ الْاَحْلَامِ یَقُوْلُوْنَ مِنْ قَوْلِ الْبَرِیَّۃِ،یَمْرُقُوْنَ مِنَ الْاِسْلَامِ کَمَا یَمْرُقُ السَّہْمُ مِنَ الرَّمِیَّۃِ، لَا یُجَاوِزُ اِیْمَانُہُمْ حَنَاجِرَہُمْ ، فَاَیْنَمَا لَقِیْتُمُوْہُمْ فَاقْتُلُوْہُمْ فَإِنَّ فِی قَتْلِہِمْ اَجْرٌ لِمَنْ قَتَلَہُمْ یَوْمَ الْقِیَامَۃِ۔))[3]

’’آخری دور میں کم عمر اور کم عقل لوگ ہوں گے جو رسول اللہ صلی اللہ علیہ وسلم کی باتیں بیان کریں گے، لیکن اسلام سے ایسے نکل جائیں گے جیسے تیر کمان سے نکل جاتا ہے۔ ان کا ایمان ان کے حلق سے نیچے نہیں اترے گا تم ان سے جہاں ملو قتل کردو، ان کے قتل سے قاتل کو قیامت کے دن اجر ملے گا۔‘‘

اس حدیث کا ترجمہ اور اس کی تشریح پر مفصل گفتگو خوارج کے عقائد اور ان کے بارے میں علی کے موقف کے باب میں کی جائے گی۔

ج:… رعب و دبدبہ کے ذریعہ سے مدد:

علی رضی اللہ عنہ نے دلائل نبوت سے متعلق اللہ کے رسول صلی اللہ علیہ وسلم سے یہ حدیث بیان کی ہے کہ نبی کریم صلی اللہ علیہ وسلم نے فرمایا: