سیدنا علی بن ابی طالب رضی اللہ عنہ شخصیت اور کارنامے

’’یقینا جو لوگ ڈر گئے، جب انھیں شیطان کی طرف سے کوئی (برا) خیال چھوتا ہے وہ ہشیار ہو جاتے ہیں، پھر اچانک وہ بصیرت والے ہوتے ہیں۔‘‘

تقویٰ شعار کو خوف و حزن لاحق نہیں ہوتا، فرمایا:

فَمَنِ اتَّقَىٰ وَأَصْلَحَ فَلَا خَوْفٌ عَلَيْهِمْ وَلَا هُمْ يَحْزَنُونَ ﴿٣٥﴾ (الاعراف:35)

’’تو جو شخص ڈر گیا اور اس نے اصلاح کر لی تو ان پر نہ کوئی خوف ہے اور نہ وہ غم کھائیں گے۔‘‘

تقویٰ شعار کے اعمال اللہ کے یہاں قبولیت کادرجہ پاتے ہیں۔ فرمایا:

إِنَّمَا يَتَقَبَّلُ اللَّـهُ مِنَ الْمُتَّقِينَ ﴿٢٧﴾ (المائدۃ:27)

’’اس نے کہا بے شک اللہ متقی لوگوں ہی سے قبول کرتا ہے۔‘‘

اللہ تعالیٰ متقی لوگوں کے لیے تنگی کے بعد آسانی اور مشکلات سے نکلنے کا راستہ پیدا کردیتا ہے۔ فرمایا:

وَمَن يَتَّقِ اللَّـهَ يَجْعَل لَّهُ مَخْرَجًا ﴿٢﴾ (الطلاق:2)

’’اور جو اللہ سے ڈرے گا وہ اس کے لیے نکلنے کا کوئی راستہ بنا دے گا۔‘‘

اور فرمایا:

وَمَن يَتَّقِ اللَّـهَ يَجْعَل لَّهُ مِنْ أَمْرِهِ يُسْرًا ﴿٤﴾ (الطلاق:4)

’’اور جو کوئی اللہ سے ڈرے گا وہ اس کے لیے اس کے کام میں آسانی پیدا کر دے گا ۔‘‘

متقی لوگوں کو اللہ تعالیٰ فراست، حکمت اور نور سے نوازتا ہے۔ فرمایا:

يَا أَيُّهَا الَّذِينَ آمَنُوا إِن تَتَّقُوا اللَّـهَ يَجْعَل لَّكُمْ فُرْقَانًا (الانفال:29)

’’اے لوگو جو ایمان لائے ہو! اگر تم اللہ سے ڈروگے تو وہ تمھارے لیے (حق و باطل میں) فرق کرنے کی بڑی قوت بنادے گا۔‘‘

متقی انسان کو اللہ تعالیٰ جنت میں داخل کرے گا۔ فرمایا:

وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ ﴿١٣٣﴾ (آل عمران:133)

’’اور اس جنت کی طرف جس کی چوڑائی آسمانوں اور زمین (کے برابر)ہے، ڈرنے والوں کے لیے تیار کی گئی ہے۔‘‘

متقی انسانوں کو ہی جہنم سے نجات ملے گی۔ فرمایا:

ثُمَّ نُنَجِّي الَّذِينَ اتَّقَوا وَّنَذَرُ الظَّالِمِينَ فِيهَا جِثِيًّا ﴿٧٢﴾ (مریم:72)

’’پھر ہم ان لوگوں کو بچالیں گے جو ڈر گئے اور ظالموں کو اس میں گھٹنوں کے بل گرے ہوئے چھوڑ دیں گے۔‘‘

قیامت کے دن متقیوں کو بلند و بالا مقام سے نوازا جائے گا۔ فرمایا:

وَالَّذِينَ اتَّقَوْا فَوْقَهُمْ يَوْمَ الْقِيَامَةِ ۗ (البقرۃ:212)