مباحث توحید،تفسیر جواہر القرآن اور تفسیر تبیان الفرقان کا تقابلی مطالعہ

1۔ ان چیزوں کا وجود ان کے بنانے والے کے وجود پر دلالت کرتا ہے کیونکہ کوئی صنعت بغیر صانع کے وجود میں نہیں آ سکتی۔

2۔ کائنات کی تمام چیزوں کا ایک نظام اور ایک نہج پر ہونا اس پر دلالت کرتا ہے کہ ان تمام چیزوں کا خالق ایک ہے‘دن رات کا تسلسل سے آنا‘موسم گرما اور موسمِ سرما کا اپنے اپنے وقت پر آنا اور درختوں سے پھلوں کا اپنے اپنے موسم میں نکلنا اس پر دلالت کرتا ہے کہ اس تمام نظام کا موجدواحد ہے‘کیونکہ اگر یہاں کئی صانع ہوتے تو ان تمام چیزوں کے ظہور میں یکسانیت نہ ہوتی مثلاً ایک صانع کسی درخت سے سیب پیدا کرنا چاہتا اور دوسرا صانع اسی درخت سے اسی وقت آم پیدا کرنا چاہتا تو اس درخت میں بیک وقت سیب اور آم دونوں کا ظہور ہوتا اور یہ واقع کے خلاف ہے اور اگر کسی ایک کا ظہور ہوتا تو دوسرے کی چاہت پوری نہ ہوتی لہٰذا وہ خدا نہ ہوتا‘اسی طرح ہم دیکھتے ہیں کہ اس دنیا کے نظام میں وحدانیت ہے مثلاً سورج ہمیشہ مشرق سے طلوع ہوتا ہے اور مغرب میں غروب ہوتا ہے‘کبھی ایسا نہیں ہوا کہ ایک دن سورج مشرق سے طلوع ہوا اور دوسرے دن مغرب سے طلوع ہو‘ہمیشہ گرمیوں کے دن لمبے ہوتے ہیں اور راتیں چھوٹی ہوتی ہیں اور سردیوں میں دن چھوٹے اور راتیں بڑی ہوتی ہیں‘کبھی ایسا نہیں ہوا کہ گرمیوں میں دن چھوٹے ہوں اور سردیوں میں دن لمبے ہوں تو اس کائنا ت کے نظام میں وحدانیت اس پر دلالت کرتی ہے کہ اس کائنات کا خالق بھی واحد ہے‘اگر اس کائنات کے خالق متعدد ہوتے تو اس کائنات کے نظام میں وحدانیت نہ ہوتی۔اسی طرح ایک اور جگہ پر اللہ تعالیٰ نےارشاد فرمایا:

لَوْ كَانَ فِيهِمَا آلِهَةٌ إِلَّا اللّٰهُ لَفَسَدَتَا[1]

یعنی اگر آسمانوں اور زمینوں میں اللہ کے سوا متعدد معبود ہوتے تو آسمان اور زمین دونوں درہم برہم ہو جاتے(یعنی ان کا نظام واحد نہ رہتا۔)[2]

تجزیہ:

قرآنِ کریم انسان کو کائنات میں غور کرنے اور اس میں اللّٰہ تعالی کی نشانیاں تلاش کرنے پر ابھارتا ہے۔ قرآنِ کریم میں زمین و آسمانوں کی تخلیق، سورج، چاند اور ستارے، جانوروں میں دودھ بننے کے پیچیدہ عمل کی طرف اشارات، انسان کی پیدائش میں اللّٰہ تعالی کی قدرت کی نشانیاں، سمندروں میں کشتیوں کا چلنا، بارش بننے کا عمل، پہاڑوں کے فوائد، رات اور دن کا باری باری آنا جانا وغیرہ کو اللہ تعالی کی عظیم نشانیوں میں شمار کیا گیا ہے اور زمین اور آسمانوں کی تخلیق اور بناوٹ میں غور کرنے کی خاص طور پر ترغیب دلائی گئی ہے۔

’’ إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِأُولِي الْأَلْبَابِoالَّذِينَ يَذْكُرُونَ اللّٰهَ قِيَامًا