| نزدیک نویں ذی الحجہ کو صحرائے عرفات میں جمع بین الصلوٰتین جائز ہے، مگر اس سے کسی اور صحرا یا کسی اور مقام میں غیر موسم حج میں جمع بین الصلوٰ تین کا جائز ہونا عند الحنفیہ لازم نہیں آتا۔ تفصیلی جواب اس میں کوئی شبہ نہیں کہ اہلِ مکہ نے مقامِ عرفات میں آنحضرت صلی اللہ علیہ وسلم کے ساتھ نمازِ جمعہ ترک کی اور ظہر وعصر کو جمع کیا۔ اب غور طلب یہ ہے کہ اہلِ مکہ کے ترکِ نمازکی کیا وجہ ہے۔ سو واضح ہو کہ یہاں تین احتمال ہیں۔ اوّل: یہ کہ مقامِ عرفات غیر آبادی کی وجہ سے محلِ نمازِ جمعہ نہ تھا۔ اس وجہ سے اہلِ مکہ نے نمازِ جمعہ ترک کی۔ دوم: یہ کہ جس وجہ سے عن دالحنفیہ اہلِ مکہ نے نمازظہروعصر کو جمع کیا۔ اسی وجہ سے نمازِ جمعہ بھی ترک کی۔ سوم : یہ کہ جس طرح آنحضرت صلی اللہ علیہ وسلم مقامِ عرفات میں مسافر تھے۔ اہلِ مکہ بھی مسافر تھے۔ اس وجہ سے اہلِ مکہ نے نمازِ جمعہ ترک کی۔ حضرت شوق کی یہ دوسری دلیل کی صحت موقوف ہے۔ احتمال اول کے صحیح ہونے اور احتمال دوم وسوم کے غلط وغیر صحیح ہونے پر۔ مگر معاملہ یہاں برعکس ہے۔ یعنی احتمال اول ہی غلط ہے اور احتمال دوم وسوم صحیح۔ لہٰذا سوق کی یہ دوسری دلیل بھی لغو اور بیکار ہے۔ احتمال اول کے غلط ہونے کی وجہ یہ ہے کہ مقام غیر آبد کا محلِ نمازِ جمعہ نہ ہونا کسی دلیل سے ثابت نہیں،بلکہ قرآن واحادیث وآثار صحابہ رضی الله عنہم سے مقام آباد وغیرہ آباد ہر مقام کا محلِ نمازِ جمعہ ہونا ثابت ہے کما مرتحقیقہ پس بمقام عرفات اہلِ مکہ کے نمازِ جمعہ ترک کرنے کی یہ وجہ قرار دینا کہ غیر آبادی کی وجہ سے مقامِ عرفات محلِ نمازِ جمعہ نہ تھا ہر گز صحیح نہیں ہے۔ احتمال دوم اس وجہ سے صحیح ہے کہ جس طرح! عند الحنفیہ بمقام عرفات جمع بین الصلوٰتین کی علت نسک ہے۔ ترکِ نمازِ جمعہ کی بھی یہی نسک علت ہو سکتا ہے۔ کیونکہ کوئی وجہ فارق نہیں |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |