| دوسراباب کیا مسلکِ احناف میں عیدین میں چھ تکبیریں حدیث مرفوع وصحیح سے ثابت ہے؟ سوال نمبر 1: نماز عیدین میں چھ تکبیریں کہنے کے بارے میں جیسا کہ حنفیہکا مذہب ہے کوئی حدیث حدیث مرفوع جس کی محدثین ناقدین نے تصحیح یا تحسین کی ہو آئی ہے یا نہیں؟ اس باب میں کسی بڑے شخص کا قول نقل کیاجائے جس کی تنقید پر اجلہ حنفیہ کو اعتماد ہو؟ جواب : چھ تکبیریں کہنے کے بارے میں کوئی حدیث مرفوع جس کی تصحیح یا تحسین ناقدین فن نے کی ہو نہیں آئی ہے۔ حافظ ابن عبد البر (جن کی تنقید پر حافظ زیلعی اور ان کے شیخ علامہ علاؤالدین اور علامہ ابن الہمام رحمۃ اللہ علیہ جیسے اجلہ حنفیہ کو اعتماد ہے۔)لکھتے ہیں۔ روی عن النبی صلی اللہ علیہ وسلم من طریق حسان انہ کبر فی العیدین سبعانی الاولی وخمسا فی الثانیۃ من حدیث عبد اللہ بن عمروابن عمر ووجابر وعائشۃ وابی واقد و عمرو بن عوف المزنی ولم یروعنہ من وجہ قوی ولا ضعیف خلاف ھذا وھو اولی ما عمل بہ کذافی النیل حضرت حسان کے واسطے سے نبی اکرم صلی اللہ علیہ وسلم سے مروی ہے کہ آپ نے عیدین میں پہلی رکعت میں سات تکبیریں اور دوسری رکعت میں پانچ، اور یہی حدیث حضرت عبد اللہ بن عمر، حضرت عبد اللہ بن عمرو، حضرت جابر ،ام المومنین عائشہ رضی اللہ عنہا ، حضرت ابی داود اور حضرت عمرو بن عوف المزنی رضی اللہ عنہ سے مروی ہے اور اس کے برعکس نبی اکرم صلی اللہ علیہ وسلم سے کوئی روایت خواہ سند صحیح کے ساتھ ہو یا سند ضعیف کے ساتھ مروی نہیں۔ یدیں وجہ بارہ تکبیروں والی پر عمل کرنا ہی زیادہ بہتر ہے۔ سوال نمبر 2: علمائِ حنفیہ چھ تکبیروں کے ثبوت میں کوئی حدیث مرفوع پیش کرتے ہیں یا |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |