| مقتضی ما تقدم ان فرضیتھھا بالآیۃ المذکورۃ وھی مدینۃ وقال الشیخ ابو حامد فرضت بمکۃ وھو غریب ’’جمعہ کی فرضیت کے وقت میں اختلاف کیا گیا ہے۔ اکثر علماء کا یہ قول ہے کہ نمازِ جمعہ مدینہ میں فرض ہوئی اور پہلے جو بات بیان ہو چکی ۔یعنی یہ کہ نمازِ جمعہ کی فرضیت آیت مذکورہ سے ہے۔ اس کا بھی یہی مقتضی ہے کہ مدینہ ہی میں فرض ہوئی اور شیخ ابو حامد کا یہ قول ہے کہ نمازِ جمعہ مکہ میں فرض ہوئی ۔اور یہ قول غریب ہے۔‘‘ اور مؤلف کے استاد جناب مولوی عبد الحی صاحب رحمۃ اللہ علیہ امام الکلام میں لکھتے ہیں۔ لا یقال قد صرح جمع بان فریضۃ الجمعۃ کان بمکۃ لانا نقول ھذا خلاف ما علیہ الجمھور الخ پس جب ثابت ہوا کہ قول صحیح ومحقق یہی ہے کہ نمازِ جمعہ بعد ہجرتِ مدینہ میں فرض ہوئی تو مؤلف کی پہلی دلیل کا لغو اور بیکار ہونا ظاہر ہو گیا۔ کیونکہ اس دلیل کا اصل مدار اس قول پر ہے کہ نمازِ جمعہ قبل ہجرتِ مکہ میں فرض ہوئی۔ اور اس قول کا غریب وغیرہ صحیح ہونا بخوبی ظاہر ہو چکا۔ ناظرین !آپ نے دیکھا۔ حضرت شوق نے پہلی دلیل کے مرتب کرنے میں کیا کیا بے سروپا باتیں لکھی ہیں۔پہلے تو آپ نے یہ لکھا کہ نمازِ جمعہ بذریعہ وحی قبل ہجرتِ مکہ ہی میں فرض ہو چکی تھی۔ حالانکہ یہ قول بالکل بے دلیل وغیرصحیح ہے۔ پھر آپ نے یہ فرمایا کہ موضع قبا مدینہ سے تین کوس کے فاصلہ پر ہے۔ حالانکہ قبا مدینہ سے صرف دو یا تین میل کے فاصلہ پر ہے۔ کما مر پھر آپ نے یہ ارشاد فرمایا کہ آپ صلی اللہ علیہ وسلم کی پہلی نمازِ جمعہ یا تو مدینہ میں ہوئی یا بنی سالم کی مسجد عاتکہ میں ۔ حالانکہ یہ تردید محض غلط ہے کما مر پھر آپ نے یہ افادہ فرمایا کہ موضع بنی سالم مدینہ کا ایک محلہ ہے۔ جو شہر سے باہر ہے۔ حالانکہ موضع بنی سالم مدینہ کا محلہ نہیں ہے،بلکہ وہ ایک گاؤںہے۔ جو مدینہ اور قبا کے درمیان واقع ہے۔ کما مر پھر حاشیہ پر آپ نے یہ تحریر کیا۔ کہ حضراتِ غیر مقلدین کے نزدیک مسافر پر بھی نمازِ |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |