| حدیث سے معلوم ہوا کہ نمازِ جمعہ اس سے پہلے فرض نہ تھا۔ اور قرآنِ پاک سے بھی یہی ثابت ہے کہ نمازِ جمعہ مدینہ ہی میں فرض ہوئی۔ کیونکہ آیہ {اِذَا نُوْدِیَ لِلَّصلٰواۃِ مِنْ یُّوْمِ الْجُمُعَۃِ }الآیہ سے نمازِ جمعہ کی فرضیت ظاہر ہے اور اس آیت کے مدنی ہونے میں کچھ کلام ہی نہیں۔نتیجہ یہ ہوا کہ نمازِ جمعہ مدینہ ہی میں فرض ہوئی۔ اور کتب فقہ حنفیہ سے بھی یہی ظاہر ہوتا ہے کہ نمازِ جمعہ بعد ہجرتِ مدینہ میں فرض ہوئی ہے۔ کفایہ شرح ہدایہ میں ہے۔ اعلم ان الجمعۃ فریضۃ محکمۃ ثبتت فرضیتھا بالکتاب والسنۃ واجماع الا مۃ ونوع من المعنی اما الکتاب فقولہ تعالیٰ {یایھا الذین امنوا اذا نودی للصلوۃ من یوم الجمعۃ فاسعوا الی ذکر اللہ} واما السنۃ فحدیث جابر ؓ قال خطبنا رسول اللہ صلی اللہ علیہ وسلم فقال یایھا الناس توبو الی ربکم الحدیث وفیہ واعلمو ان اللہ کتب علیکم الجمعۃ فی یومی ھذا فی شھری ھذا فی مقامی ھذا الخ النتھٰی اور کتب تفسیر سے بھی یہی ظاہر ہوتا ہے کہ نمازِ جمعہ مدینہ میں فرض ہوئی ہے۔ تفسیر معالم التنزیل میں ہے۔ والاول اولاھا وھوانھا (رای الایۃ {واذا قرء القران فاستمعوالہ} الایۃ)فی الصلوۃ لان الایۃ مکیۃ والجمعۃ وجبت بالمدینۃ اور اسی طرح خازن رحمۃ اللہ علیہ اور خطیب رحمۃ اللہ علیہ اور قرطبی رحمۃ اللہ علیہ وغیرہ نے بھی لکھا ہے۔ دیکھو امام الکلام (ص۹۸)مصنفہ مولوی عبد الحی صاحب مرحوم الحاصل کسی حدیث سے نمازِ جمعہ کا قبل ہجرتِ مکہ میں فرض ہونا ثابت نہیں ہوتا،بلکہ حدیث مذکور سے ثابت ہوا کہ نمازِ جمعہ بعد ہجرتِ مدینہ میں فرض ہوئی اور اسی کی تائید قرآنِ مجید بھی کرتا ہے۔ ہاں سیوطی وغیرہ نے لکھا ہے کہ نمازِ جمعہ قبل ہجرتِ مکہ میں فرض ہوئی ہے، مگر یہ بعض کا قول ہے اور بے دلیل اور غریب ہے اور اکثر علماء کا وہی قول ہے جو حدیث مذکورو قرآنِ مجید سے ثابت ہے۔ اور یہی قول ظاہر اور صحیح ہے۔ فتح الباری میں ہے۔ اختلف فی وقت فرضیتھا فالا کثر انھا فرضت بالمدینۃ وھو |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |