اور لوگوں سے کہا مجھے اسی پرانے جبہ میں کفنانا، جنگ بدر کے روز اسی جبہ کو پہن کر میں نے جہاد کیا تھا، اور اپنے کفن کے واسطے میں نے اس کو چھپا رکھا تھا۔ (تذکرۃ الحفاظ (ص۱۹ج۱) اب مردوں اور عورتوں کے کفن مسنون کا بیان بیان علیحدہ علیحدہ کیا جاتا ہے۔ فصل مردوں کے کفن مسنون کا بیان مردوں کے واسطے کفن مسنون تین کپڑے ہیں،اوروہ تین لفافے ہیں، یعنی تین چادریں جو اس قدر لمبی اور جوڑی ہوں جن میں میت کو خوب اچھی طرح پر لپیٹ سکیں اور سر سے قدم تک بخوبی چھپ جائے، بخاری اور مسلم میں حضرت عائشہ رضی اللہ عنہاسے روایت ہے: کفن رسول اللہ صلی اللہ علیہ وسلم فی ثلثۃ اتوا بیض سحولیۃ من کرسف لیس فیھا قیص ولاعمامۃ رسول اللہ صلی اللہ علیہ وسلم تین کپڑوں میں کفنائے گئے، جو سفید تھے اور مقام سحول کے بنے ہوئے اور سوتی تھے جن میں نہ کرتا تھا نہ عمامہ۔ جامع ترمذی میں ہے کہ رسول اللہ صلی اللہ علیہ وسلم کے کفن کے بارے میں مختلف روایتیں آئی ہیں ، ان تمام روایتوں میں حضرت عائشہ رضی اللہ عنہاکی یہ روایت زیادہ صحیح ہے، اور اکثر اہلِ علم صحابہ رضی اللہ عنہم وغیرہم کا اسی پر عمل ہے اور مردوں کو کرتا اور ازار اور لفافہ میں بھی کفنانا ثابت ہے، مؤطا امام مالک رحمۃ اللہ علیہ ، مؤطا امام محمد رحمۃ اللہ علیہ میں ہے۔ عن عبد اللہ بن عمر و ابن العاص انہ قال المیت یقبص ویو ردو یلف بالثوب الثالث حضرت عبد اللہ بن عمر وابن العاص نے فرمایا کہ میت کو کرنا پہنایا جائے اور تیسر ے کپڑے میں لپیٹا جائے ،بخاری اور مسلم میں حضرت |
Book Name | مقالات محدث مبارکپوری |
Writer | الشیخ عبدالرحمٰن مبارکپوری |
Publisher | ادارہ علوم اثریہ |
Publish Year | |
Translator | |
Volume | |
Number of Pages | 277 |
Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |