ثانیا: آپ کے اس جملہ سے کہ اگر زمانہ نبوی میں کل اہلِ قریہ مکلف بالجمعۃ ہوتے الخ۔ ثابت ہوا کہ آپ کے نزدیک بعض اہلِ قریٰ مکلف بالجمعہ ہونا حضرت علی رضی الله عنہ پر مخفی رہ گیا اور اپنے جی سے ہر اہلِ قریہ[1]کو اماقتِ جمع سے منع کر دیا۔ لیجئے جس امر کی آپ نفی کرتے تھے وہ آپ ہی کے کلام سے ثابت ہو گیا۔ قال:آٹھویں دلیل صحیح بخاری میں ہے۔ عن ابن عباس قال ان اول جمعۃ جمعت بعد جمعۃ فی مسجد رسول اللہ صلی اللہ علیہ وسلم فی المسجد عبد القیس بجواثی من البحرین۔ ابن عباس رضی الله عنہ نے کہا کہ مسجد نبوی کے بعد پہلا جمعہ جو ہوا ہو مسجد عبد القیس میں ہوابمقام جواثا جو بحرین میں واقع ہیے۔ اس روایت سے صاف ظاہر ہے کہ جب تک جواثا میں جمعہ قائم نہیں ہوا ۔ مسجد نبوی کے سوا کسی اور مقام میں جمعہ ہوتا ہی نہ تھا۔ اب یہ دیکھنا چاہیے کہ ہجرت کے کتنے دنوںبعد جواثا میں جمعہ قائم ہوا۔ ٍٍ حافظ ابن حجر رحمۃ اللہ علیہ نے فتح الباری میں لکھا ہے۔ وانما جمعوا بعد رجوع وفد ھم الیھم۔(فتح الباری:ص ۱۲۲ج۱) عبد القیس نے اپنے یہاں جمعہ جب قائم کیا۔ کہ ان کے وفد مدینہ سے ہوکر ان کے پاس واپس آگئے۔ مؤلف کہتا ہے کہ اس کے قبل یقینا آیت تحریم خمر نازل ہو چکی تھی۔ کیونکہ آنحضرت صلی اللہ علیہ وسلم نے وفد عبد القیس کو جو تعلیمیں کی تھیں ان میں سے ایک یہ ہے کہ آپ |
Book Name | مقالات محدث مبارکپوری |
Writer | الشیخ عبدالرحمٰن مبارکپوری |
Publisher | ادارہ علوم اثریہ |
Publish Year | |
Translator | |
Volume | |
Number of Pages | 277 |
Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |