اب ہم پہلی دلیل کے جواب سے بہمہ وجوہ فارغ ہو چکے ۔فللّٰہ الحمد قال:’’دوسری دلیل ۔ حجۃ الوداع کی نویں ذی الحجہ کو کہ روزِ جمعہ تھا، آپ صلی اللہ علیہ وسلم نے بمقام عرفات وقوف فرمایا۔ حدیثوںسے ثابت ہے کہ وہاں آپ صلی اللہ علیہ وسلم نے نمازِ ظہر ادا فرمائی۔ چنانچہ صحیح مسلم میں ہے۔ ثم اقام فصلی الظھر ثم اقام فصلی العصر اور بیہقی رحمۃ اللہ علیہ نے معرفۃ السنن والآثار میں لکھا ہے۔ قدر وینا عن النبی صلی اللہ علیہ وسلم انہ یوم عرفۃ جمع ببین الظھر والعصر ثم راح الی الموقف وکان ذلک یوم جمعۃ انتھی۔ اگرچہ آپ صلی اللہ علیہ وسلم پر نمازِ جمعہ وہاں بوجہ مسافرت فرض نہ تھی،مگر اہلِ مکہ پر نمازِ جمعہ فرض تھی۔ پس آپ صلی اللہ علیہ وسلم کے ساتھ اہلِ مکہ کا ترکِ نمازِ جمعہ کرنا صاف اس پر دال ہے۔ کہ غیر آبادی کی وجہ سے مقامِ عرفات محل نمازِ جمعہ نہ تھا۔ چنانچہ شاہ ولی اللہ رحمۃ اللہ علیہ مصفی میں لکھتے ہیں: کہ باآنحضرت صلعم جمعے کثیر از اہل مکہ درعرفہ بودند ایشاںں رابجمعہ نفر مودند و سفر اگر عدم ثحتم درحن آنحضرت واہل مدینہ میتواند شدد رحق اہل مکہ علت نمے قواند الا بودن ایشان درصحرا۔ پس اس واقعہ سے بھی یہ دعویٰ کہ نمازِ جمعہ شہر ہو یا قریہ یا کوئی اور مقام ہر جگہ فرض ہے۔ صاف باطل ہے۔ انتھی اقول :اس دلیل کے دو جواب ہیں۔ ایک اجمالی ،دوسرا تفصیلی اجمالی جواب بلاشبہ نویں ذی الحجہ کو صحرائی عرفات محل نمازِ جمعہ نہیں ہے،مگر اس سے کسی اور صحرا کا محل نمازِ جمعہ نہ ہونا لازم نہیںآتا ۔ نظیر اس کی جمع بین الصلوٰتین ہے۔ دیکھو حنفیہ کے |
Book Name | مقالات محدث مبارکپوری |
Writer | الشیخ عبدالرحمٰن مبارکپوری |
Publisher | ادارہ علوم اثریہ |
Publish Year | |
Translator | |
Volume | |
Number of Pages | 277 |
Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |