تفسیر النساء

کی کوٹھری میں نماز تیرے گھر کے دالان سے افضل ہے اور دالان کی نماز صحن کی نماز سے افضل ہے اور صحن کی نماز محلے کی مسجد کی نماز سے افضل ہے اور محلہ کی مسجد میں نماز جامع مسجد کی نماز سے افضل ہے اور سیّدہ ام سلمہ رضی اللہ عنہا کی روایت میں ہے رسول اللہ صلی اللہ علیہ وسلم کے الفاظ یہ ہیں عورتوں کے لیے بہترین مساجد ان کے گھروں کے اندرونی حصے ہیں ۔[1]

عورتوں کے مسجد جانے پر پابندیاں

۱۔ پھر اس طرح مسجد جانے پر بھی سنت نبوی نے کئی طرح کی پابندیاں لگائی ہیں مثلاً: (۱)وہ صرف اندھیرے کی نماز (عشاء و فجر) میں شامل ہو سکتی ہیں ما سوائے جمعہ وعیدین کے۔[2]

۲۔ جو عورت مسجد جانا چاہے وہ خوشبو نہیں لگا سکتی۔[3]

۳۔ مردوں کے لیے بہترین صف پہلی اور بری آخری ہے اور عورتوں کے لیے بہترین صف آخری اور بری پہلی ہے۔[4]

۴۔ نماز باجماعت سے فراغت کے بعد فوراً مردوں سے پہلے مسجد سے نکل جائے۔[5]

۵۔ اگر واپسی پر ہجوم ہو اور مرد وعورتوں کے مخلوط ہونے کا خطرہ ہو تو عورتیں راستہ کے کناروں پر چلیں ۔[6]

آزادانہ اختلاط کی ممانعت

قرآن مجید کے اس صاف اور صریح حکم کی موجودگی میں اس بات کی آخر کیا گنجائش ہے کہ مسلمان عورتیں کونسلوں اور پارلیمنٹوں کی ممبر بنیں بیرون خانہ کی سوشل سرگرمیوں میں دوڑتی پھریں ، سرکاری دفتروں میں مردوں کے ساتھ کام کریں کالجوں میں لڑکوں کے ساتھ تعلیم پائیں ، مردانہ ہسپتالوں میں نرسنگ کی خدمت انجام دیں ، ہوائی جہازوں اور ریل کاروں میں مسافر نوازی کے لیے استعمال کی جائیں ۔ اور تعلیم و تربیت کے لیے امریکہ وانگلستان بھیجی جائیں عورت کے بیرون خانہ سر گرمیوں کے جواز میں سے جو بڑی دلیل پیش کی جاتی ہے وہ یہ ہے کہ سیّدہ عائشہ رضی اللہ عنہا سے جنگ جمل میں حصہ لیا تھا لیکن یہ استدلال جو لوگ پیش کرتے ہیں انہیں شاید معلوم نہیں ہے کہ خود سیّدہ عائشہ رضی اللہ عنہا کا خیال اس باب میں کیا تھا۔ عبداللہ بن احمد بن حنبل نے زوائد والزائد اور ابن المنذر، ابن ابی شیبہ اور ابن سعد نے اپنی کتابوں میں مسروق کی روایت نقل کی ہے کہ