تفسیر النساء

اسی پس منظر میں اللہ تعالیٰ نے فرمایا کہ اس روش کو چھوڑ دو اور ذرا غور سے سنو تو سہی کہ اس میں کیا تعلیم

دی گئی ہے کیا عجب کہ تم خود بھی اس رحمت کے حصہ دار بن جاؤ جو ایمان لانے والوں کو نصیب ہو چکی ہے۔ معاندین کی مخالفانہ سرگرمیوں کے مقابلہ میں یہ ایسا دل نشین انداز تبلیغ ہے جس سے ایک داعی حق کو بہت سے سبق مل سکتے ہیں ۔[1]

قراء ت خلف الامام کا مسئلہ

لیکن یہ سکوت کی تاکید فرضی نماز کے بارے ہے اور وہ بھی اس وقت جب امام بآواز بلند قراء ت کر رہا ہو جیسا کہ حضرت نے فرمایا کہ جب امام نماز پڑھنے لگے، جب وہ تکبیر کہے تو تم بھی تکبیر کہو اور جب وہ قراء ت کرنے لگے تو تم خاموش ہو جاؤ۔[2]

سیّدنا ابوہریرہ رضی اللہ عنہ کہتے ہیں : اس آیت کے اترنے سے پہلے لوگ نماز میں باتیں کر لیا کرتے تھے چنانچہ جب یہ آیت اتری کہ خاموش ہو جاؤ اور قرآن سنو تو سکوت کا حکم دیا گیا۔ ابن مسعود رضی اللہ عنہم کہتے ہیں کہ ہم لوگ نماز میں ایک دوسرے کو السلام علیکم کہہ لیا کرتے تھے اس لیے یہ آیت اتری۔[3]

یہ مسئلہ بہت بسیط اور مختلف فیہ ہے۔ امام بخاری نے کہا ہے کہ امام کے پیچھے قراء ت واجب ہے خواہ نماز سری ہو یا جہری۔ و اللہ اعلم۔[4]