|
(2) فن حدیث اور دفاترِ سنت کے اندر بھی کوئی ایسا مواد موجود ہے جو سازش کا پتہ دے؟
(3) عجمی سازش کا ہنگامہ بپا کرنے والے خود ہی کسی سازش کا شکار تو نہیں ہوئے؟
یہ پہلی کوشش ہے، امید ہے کہ اہل قلم اس نہج پر مزید لکھیں گے۔
عجمی سازش:
حدیث کے متعلق آج کل ان لوگوں کو ایک انکشاف ہوا ہے۔ ان لوگوں کا خیال ہے کہ حدیث کی تدوین عجمیوں کی سازش سے ہوئی۔ یہ انکشاف دوسری تیسری صدی میں کسی کو نہ سوجھا، حالانکہ وہ زمانہ تدوینِ حدیث کے اوقات سے بہت قریب تھا۔ اگر اس قسم کی کوئی سازش اس فن میں کار فرما ہوتی تو اہل حدیث کے مخالف ضرور اسے نمایاں کرتے۔ فن حدیث اس وقت بدنام ہو جاتا۔ شیعہ، خوارج، معتزلہ، جہمیہ اور بعض دوسرے گروہ فوراً ان کو عریاں کر کے رکھ دیتے۔ یہ عجیب ہے کہ یہ سازش اپنے وقت پر نہ کھلی اور آج بارہ سو سال کے بعد اس کا الہام پرویز اینڈ کمپنی کو ہوا، جن کو فن حدیث سے کوئی لگاؤ نہیں!
حدیث کی جمع و تدوین پہلی صدی سے قریباً تیسری صدی تک ہوئی۔ اسلام کے دشمنوں کی اس وقت کمی نہ تھی، مگر یہ سازش بالکل معلوم نہ ہو سکی۔ تاریخ اس تہمت سے یکسر خاموش ہے۔
ائمہ حدیث
ائمہ حدیث کے مدّ مقابل
1۔ امام محمد بن مسلم الزہری 124ھ
1۔ المقنع الخراسانی 162ھ
2۔ عبدالرحمٰن بن عمرو الأوزاعی 157ھ
2۔ واصل بن عطا المعتزلی 181ھ
3۔ امام مالک بن انس الأصبحی 179ھ
3۔ امیر المومنین مامون بن ہارون الرشید 218ھ
4۔ عبداللہ بن مبارک 182ھ
4۔ ابراہیم بن سیار ابو اسحاق النظام 221ھ
5۔ امام محمد بن ادریس شافعی 204ھ
5۔ امیر المومنین معتصم بن ہارون 227ھ
6۔ یحییٰ بن معین المحدّث 233ھ
6۔ بشر بن غیاث المریسی 218ھ
7۔ امام علی بن مدینی 234ھ
7۔ امیر المومنین واثق بن معتصم 232ھ
8۔ احمد بن محمد بن حنبل 241ھ
8۔ محمد بن عبدالوہاب الجبائی 303ھ
|