Maktaba Wahhabi

455 - 516
1 (ب) شیاطین وسوسہ ڈالنے والوں کی دو قسمیں ہیں۔ شیاطین اور جنّات کو تو اللہ تعالیٰ نے انسانوں کو گمراہ کرنے کی قدرت دی ہے۔ علاوہ ازیں ہر انسان کے ساتھ ایک ساتھی جنات میں سے ہوتا ہے جو اُسے گمراہ کرتا رہتا ہے۔ چنانچہ حدیث میں آتا ہے کہ نبی صلی اللہ علیہ وسلم نے جب یہ بات فرمائی تو صحابہ رضی اللہ عنہم نے پوچھا کہ یا رسول اللہ! کیا وہ آپ کے ساتھ بھی ہے؟ آپ صلی اللہ علیہ وسلم نے فرمایا: ’’ہاں میرے ساتھ بھی ہے لیکن اللہ نے اُس پر میری مدد فرمائی ہے تو وہ مسلمان ہوگیا ہے۔ وہ مجھ سے خیر کے علاوہ کوئی بات نہیں کرتا۔‘‘ (صحیح مسلم، حدیث: 2814) اسی طرح حدیث میں آتا ہے کہ نبی صلی اللہ علیہ وسلم اعتکاف فرماتھے کہ آپ کی زوجہ مطہرہ حضرت صفیہ رضی اللہ عنہا آپ صلی اللہ علیہ وسلم سے ملنے کے لیے آئیں۔ رات کا وقت تھا، آپ صلی اللہ علیہ وسلم انھیں چھوڑنے کے لیے ان کے ساتھ گئے۔ راستے میں دو انصاری صحابی وہاں سے گزرے تو آپ صلی اللہ علیہ وسلم نے انھیں بُلاکر فرمایا : ’’یہ میری اہلیہ صفیہ بنت حیی ہیں۔‘‘ انھوں نے عرض کیا: یا رسول اللہ! بھلا آپ کی بابت ہمیں بدگمانی ہوسکتی تھی؟ آپ صلی اللہ علیہ وسلم نے فرمایا: ’’یہ تو ٹھیک ہے، لیکن شیطان انسان کی رگوں میں خون کی طرح دوڑتا ہے۔ مجھے خطرہ محسوس ہوا کہیں وہ تمھارے دلوں میں شُبہ نہ ڈال دے۔‘‘ (صحیح البخاري، حدیث: 7170) دوسرے شیطان، انسانوں میں سے ہوتے ہیں جو ناصح، مشفق کے روپ میں انسانوں کو گمراہی کی ترغیب دیتے ہیں، بعض اہل علم کہتے ہیں کہ شیطان انسانوں کو بھی گمراہ کرتا ہے اور جنات کو بھی۔ چنانچہ انسانوں کے ساتھ ساتھ جنات بھی شیطان کے
Flag Counter