بدعت کا انسائکلوپیڈیا(قاموس البدع)

اور اس کی مثل یہ کہ ان خواتین کے ساتھ ایک محرم ہو، وہ کہیں کہ وہ ان سب کا محرم ہے! ’’المناسک‘‘ (۴۹/۱۶)[1]

۱۵: حجاج سے، جو فریضہ حج کی ادائیگی کا قصد رکھتے ہیں، ٹیکس وصول کرنا:

’’الإحیاء‘‘ (۱/۲۳۶)‘‘، ’’حجۃ النبی صلي الله عليه وسلم ‘‘ (۱۰۹/۱۵)، ’’المناسک‘‘ (۴۹/۱۷)۔

۱۶: مسافروں کا ہر جگہ قیام کرتے وقت دو رکعتیں پڑھنا اور ان کا کہنا: ’’اللہم أنزلنی منزلا مبارکا وأنت خیر المنزلین…‘‘:[2]

’’حجۃ النبی صلي الله عليه وسلم ‘‘ (۱۰۹/۱۶)، ’’المناسک‘‘ (۴۹/۱۸)۔

۱۷: مسافر کا ہر جگہ قیام کے وقت گیارہ مرتبہ سورۂ اخلاص، ایک مرتبہ آیت الکرسی اور یہ آیت ﴿وَمَا قَدَرُوا اللّٰہَ حَقَّ قَدْرِہٖ﴾ (الزمر:۶۷) پڑھنا: [3]

’’حجۃ النبی صلي الله عليه وسلم ‘‘ (۱۰۹/۱۷)، ’’المناسک‘‘ (۴۹/۱۹)۔

۱۸: مسافر جہاں بھی جائے وہاں کا مسالا/ پیاز کھائے: [4]

۱۹: کسی ایسی جگہ کا قصد کرنا جس کے قصد سے خیر کی امید ہو، جبکہ شریعت نے اسے مستحب قرار نہ دیا ہو، مثلاً ایسی جگہیں جن کے متعلق مشہور ہے: ان میں نبی صلی اللہ علیہ وسلم کا کوئی نشان ہے، جیسا کہ بیت المقدس کے صخرہ کے بارے میں، دمشق کے بالائی علاقے میں مسجد قدم کے بارے میں کہا جاتا ہے اور اسی طرح انبیاء اور صالحین کی قبریں:

’’اقتضاء الصراط المستقیم‘‘ لمخالفۃ أصحاب الجحیم‘‘ (ص۱۵۱۔۱۵۲)[5] ’’حجۃ النبی صلي الله عليه وسلم (۱۰۹/۱۹)، ’’المناسک‘‘ (۴۹/۲۱)۔