رسائل ابن تیمیہ

﴿قُلْ اِنْ کُنْتُمْ تُحِبُّوْنَ اللّٰہَ فَاتَّبِعُوْنِیْ یُحْبِبْکُمُ اللّٰہُ ﴾ (آل عمران:۳۰)

’’اے پیغمبر! کہہ دیجیے کہ اگر خدا کو دوست رکھنا ہے تو میری اتباع کرو کہ خد ابھی تم سے محبت رکھے۔‘‘

حدیث شریف میں آیا ہے:

((اَحِبُّوْا اللّٰہَ لِمَا یَغْدُوْکُمْ بَہٖ مِنْ نِّعْمِہٖ وَاَحِبُّوْنِیْ لِحُبِّ اللّٰہَ وَاَحِبُّوْا اَھْلَ بَیْتِیق لَحُبِّیْ۔))

’’خدا سے محبت رکھو کیونکہ اس کی ہزارہا نعمتیں کھاتے ہو اور مجھ سے محبت رکھو کہ میں محبوب خدا ہوں اور میرے اہلِ بیت سے بھی محبت رکھو کہ وہ میرے محبوب رشتہ دار ہیں ۔‘‘

﴿قُلْ اِنْ کَانَ اٰبَآؤُکُمْ وَ اَبْنَآؤُکُمْ وَ اِخْوَانُکُمْ وَ اَزْوَاجُکُمْ وَ عَشِیْرَتُکُمْ وَ اَمْوَالُ نِ اقْتَرَفْتُمُوْہَا وَ تِجَارَۃٌ تَخْشَوْنَ کَسَادَہَا وَ مَسٰکِنُ تَرْضَوْنَہَآ اَحَبَّ اِلَیْکُمْ مِّنَ اللّٰہِ وَ رَسُوْلِہٖ وَ جِہَادٍ فِیْ سَبِیْلِہٖ فَتَرَبَّصُوْا حَتّٰی یَاْتِیَ اللّٰہُ بِاَمْرِہٖ وَ اللّٰہُ لَا یَہْدِی الْقَوْمَ الْفٰسِقِیْنَ﴾ (التوبۃ:۲۴)

’’اے پیغمبر! کہہ دیجیے اگر تمہارے آبا و اجداد، اولاد، فرزند اور برادر، بیویاں ، قبیلے، وہ مال جو تمہاری(گاڑھے پسینہ کی) کمائی ہے، وہ تجارت جس کی کساد بازاری کا تمہیں خطرہ ہے، وہ مکان اورمحلات جو تمہیں محبوب و پسند ہیں ، تمہیں خدا اور رسولِ خدا صلی اللہ علیہ وسلم اور جہاد فی سبیل اللہ سے عزیز تر ہیں تو حکمِ الٰہی کے آنے تک ذرا صبر و انتظار کرو۔عزوجل کا دستور ہے کہ وہ بدکار لوگوں کو کبھی ہدایت نہیں دیا کرتا۔‘‘