مکالمات نور پوری

چیزیں وہ ہیں جو سیاق سے معلوم ہو رہی ہیں۔ نصاً کسی لفظ کا ترجمہ نہیں لیکن یہ دونوں باتیں آپ کو بھی مسلم ہیں۔ تیسری چیز جو جواب سے سامنے آرہی ہے۔ وہ یہ ہے کہ یہ کوئی ایسی نماز ہے جو سارے سال میں ادا ہوتی ہے۔ رمضان کے ساتھ خاص نہیں اور یہ وہ چیز ہے جو عبارت جواب کا صاف صاف ترجمہ ہے۔ ما كانَ يَزِيدُ في رَمَضانَ ولا في غيرِهِ۔ اس پر دلالت كرتا ہے۔ لیکن یہ آپ[1] کومسلّم نہیں۔ شاید صرف اس لیے کہ پھر پیش کردہ دلیل ختم ہوکر رہ جاتی ہے۔ اورچوراہے پر عمارت گرتی نظر آرہی ہے۔ صلوٰۃ تراویح وہ نماز ہے جورمضان کے ساتھ خاص ہے۔ حدیث کی عبارت کوئی اورنماز بتلا رہی ہے۔ جورمضان کے ساتھ خاص نہیں اقوال رجال کےجواب میں اقوال رجال پیش ہوچکے ہیں اب اپنے الفاظ آپ پر چسپاں کریں۔ کیا امام ترمذی رحمۃ اللہ علیہ امام نسائی رحمۃ اللہ علیہ امام ابوداود رحمۃ اللہ علیہ وغیرہ محدثین کم فہم تھے۔ جواب اپنی اجتہادی بصیرت سے پیش کریں۔ اورمیرے اعتراض کاحل کریں ورنہ دلیل واپس لیں۔ آنحضرت[2] صلی اللہ علیہ وسلم کتنی رکعت نماز تراویح ادا کرتے تھے؟آپ پر قوی دلیل سے پیش کرنا لازم ہے کیونکہ آپ نے ہی استدلال کا یہ رنگ اختیار کیا ہے۔ میں نے تو سائب بن یزید کی روایت پیش کی