مکالمات نور پوری

کانوں تک ہاتھ اُٹھانے کی صحیح احادیث

کندھوں اور کانوں تک ہاتھ اُٹھانا دونوں طریقے رسول اللہ صلی اللہ علیہ وسلم سے ثابت ہیں البتہ صاحبِ تحریر کا ان کو تکبیر تحریمہ کے ساتھ مخصوص ومقید کرنابے بنیاد ہے جیساکہ واضح کیا جائےگا ان شاء اللہ صاحب تحریر نے کانوں تک ہاتھ اُٹھانے کی دوروایتیں پیش کی تھیں جو دونوں ہی ضعیف ہیں جیساکہ بدلائل واضح کیا جاچکا ہے اس لیے ضرورت تھی کہ کانوں تک ہاتھ اُٹھانے کی چند ایک صحیح احادیث پیش کی جائیں لہٰذا نیچے وہ درج کی جاتی ہیں:

پہلی حدیث:

(عن مالكِ بنِ الحُويرثِ: ((أنَّ رَسولَ اللّٰهِ صلَّى اللّٰهُ عليه وسلَّم كان إذا كبَّرَ رفَعَ يديه حتى يحاذِيَ بهما أذُنَيه، وإذا ركعَ رفَعَ يَدَيه حتى يحاذِيَ بهما أُذُنَيه، وإذا رفَعَ رأسَه مِنَ الرُّكوعِ فقال: سَمِعَ اللّٰه لِمَن حَمِدَه، فعَلَ مثلَ ذلك)

(صحیح مسلم ج1 ص 168)

”مالک بن حویرث(رضی اللہ عنہ) سے روایت ہے کہ رسول اللہ صلی اللہ علیہ وسلم جب تکبیر کہتے تھے تو اپنے دونوں ہاتھوں کو اُٹھاتے تھے حتیٰ کہ ان دونوں کو ا پنے کانوں کے برابر لے جاتے اور جب رکوع کرتے تو ا پنے دونوں ہاتھوں کو اُٹھاتے حتیٰ کہ ان کو ا پنے کانوں کے برابرلے جاتے اورجب رکوع سے سر اٹھاتے پس سمع اللہ لمن حمدہ کہتے تو بھی اس کے مثل کرتے“۔

سوال وجواب:

اس حدیث کی سند میں ایک راوی قتادہ بن دعامہ سدوسی مدلس ہیں اوربلفظ عن روایت کرتے ہیں؟جواباً گزارش ہے کہ یہی حدیث امام نسائی نے کتاب الافتتاح میں زیر عنوان” رفع الیدین حیال الاذنین“ روایت کی ہے جس میں قتادہ موصوف نے سماع کی تصریح فرمادی ہے نیزنسائی کی اس سند میں قتادہ سے بیان کرنے والے