|
آپ کے نزدیک تقلید اور اتباع ایک ہی چیز ہے تو آپ کے اس نظریہ کے تحت تو نبی کریم صلی اللہ علیہ وسلم بھی مقلد ٹھہرتے ہیں تو فرمائیں آپ واقعی نبی کریم صلی اللہ علیہ وسلم کو مقلد ہی سمجھتے ہیں؟اثبات اور نفی دونوں صورتوں میں جواب نبی کریم صلی اللہ علیہ وسلم کی توہین ہے نعوذ باللہ من ذالک۔ یہ اتباع اور تقلید کو ایک ہی چیز بنانے کا نتیجہ ہے۔
5۔ آپ نے اپنے تیسرے خط میں”میں امام اعظم ابو حنیفہ رحمۃ اللہ علیہ کا مقلد ہوں“لکھ کر بزعم خود تو آیت مبارکہ ”وَاتَّبِعْ سَبِيلَ مَنْ أَنَابَ إِلَيَّ“الخ پر عمل کیا ہے مگر آپ نے اپنے چوتھے خط میں”میرا خط اپنا یہ اصول ہے کہ ہر مسئلہ کے لیے سب سے پہلے نمبر1:قرآن کریم، نمبر2: حدیث شریف، نمبر3: اجماع، نمبر4:قیاس“لکھ کر اپنے تیسرے خط والی مندرجہ بات کو فراموش کردیا کیونکہ جو انسان ہر مسئلہ کے لیے سب سے پہلے”قرآن کریم، حدیث شریف“الخ والے اصول پر چلے وہ تو مجتہدہوتا ہے نہ کہ مقلد ورنہ کہنا پڑے گا کہ حضرت امام ابو حنیفہ رحمۃ اللہ علیہ اور دیگر مجتہدین رحمۃ اللہ تعالیٰ اجمعین بھی مقلد ہی تھےنہ کہ مجتہد۔
6۔ آپ کا دعویٰ ہے”تقلید اور اتباع ایک ہی چیز ہے“نیز آپ کا اصول ہے”ہرمسئلہ کے لیے سب سے پہلے قرآن کریم حدیث شریف“الخ اور یہ امر بالکل واضح ہے کہ مسئلہ”تقلید اور اتباع کا ایک ہی چیز ہونا“بھی ہر مسئلہ میں شامل ہے لہٰذا آپ کے مندرجہ بالا اصول کے پیش نظر آپ پر لازم ہے کہ اپنے دعویٰ ”تقلید اور اتباع ایک ہی چیز ہے“کی دلیل سب سے پہلے قرآن کریم، حدیث شریف“الخ سے پیش فرمائیں۔
7۔ آیت مبارکہ” وَاتَّبِعْ سَبِيلَ مَنْ أَنَابَ إِلَيَّ“الخ سے تقلید پر آپ کا استدلال اجتہاد ہے یا تقلید؟پہلی صورت میں آپ کا دعویٰ مقلدیت ختم اور دوسری صورت میں حضرت الامام ابو حنیفہ رحمۃ اللہ علیہ اور دیگر مجتہدین رحمۃ اللہ علیہ کا مجتہد ہونا ختم کیونکہ قرآن وحدیث سے استدلال واستنباط والے وصف کی وجہ سے ہی انہیں مجتہد جانا جاتا ہے۔
|