|
(4): باب : جب دشمن کا دباؤ بڑھ جائے تو کیا کہا جائے
375۔حضرت ابو سعید خدری رضی اللہ عنہ سے روایت ہے؛ فرماتے ہیں :
’’خندق کے دن ہم نے رسول اللہ صلی اللہ علیہ وسلم سے کہا : یارسول اللہ صلی اللہ علیہ وسلم ! ہم بہت تنگ آگئے ہیں ۔ کیا کوئی ایسی دعا ہے کہ ہم دعا کریں ؟ تو آپ نے فرمایا: یوں کہو:
(( اللّٰهُمَّ اسْتُرْ عَوْرَاتِنَا، وآمِنْ رَوْعَاتِنا.))
’’اے اللہ ! ہمارے ستر کا پردہ رکھ ؛ اور ہمارے خوف کو امن سے بدل دے ۔‘‘
تو اللہ تعالیٰ نے اس لشکر کو ہوا کے ذریعہ شکست دیدی ۔‘‘
[حسن: رواه البزار – كشف الأستار (3119).]
(5): باب :لشکر کو الوداع کہتے ہوئے کیا کہا جائے
376۔ محمد بن کعب، حضرت عبداللہ الخطمی فرماتے ہیں :
’’جناب رسول اللہ صلی اللہ علیہ وسلم جس وقت لشکر کو رخصت کرنے کا ارادہ کرتے تو فرماتے :
«أَسْتَوْدِعُ اللّٰهَ دِينَكُمْ، وَأَمَانَتَكُمْ، وَخَوَاتِمَ أَعْمَالِكُمْ».
’’میں اللہ کو سونپتا ہوں تمہارا دین تمہاری امانت اور تمہارا انجام کار۔ ‘‘
صحيح: رواه أبو داود (2601)، والنسائي في الكبرى (10288) واللفظ له والحاكم (2/97-98).
* * *
|