تحفۃ المتقین

’’ اپنے ہلاک ہونے والوں کو (( لاَ اِلٰہَ اِلاَّ اللّٰہُ )) کی تلقین کرو۔‘‘

[صحيح: رواه النسائي (1827).]

320۔حضرت عبدالله بن مسعود رضی اللہ عنہ سے ایک مرفوع حدیث میں مروی ہے:

’’بیشک مؤمن کی جان ایسے نکلتی ہے جیسے پانی کا چھینٹا۔ او رکافر کی جان سختی کی وجہ سے ایسے نکلتی ہے جیسے گدھے کی جان نکلتی ہے۔‘‘

[ حسن: رواه الطبراني في الكبير (10/233). وقد حسّنه أيضاً الهيثمي في «المجمع» (2/323).]

321۔ حضرت انس بن مالک رضی اللہ عنہ سے مروی کہ:

’’ ایک مرتبہ نبی صلی اللہ علیہ وسلمبنو نجار کے ایک آدمی کے پاس اس کی عیادت کے لئے تشریف لے گئے اور اس سے فرمایا:’’ ماموں جان! لا الہ الا اللہ کا اقرار کرلیجئے۔ اس نے کہا ماموں یا چچا؟۔

نبی صلی اللہ علیہ وسلم نے فرمایا:’’ نہیں ، ماموں ! لا الہ الا اللہ کہہ لیجئے۔

اس نے پوچھا کہ کیا یہ میرے حق میں بہتر ہے؟نبی صلی اللہ علیہ وسلم نے فرمایا: ’’ ہاں ۔‘‘

صحيح: رواه أحمد (12543، 13826) والبزار «كشف الأستار» (787)، وأبو يعلى (3512).

(3):باب :جب مریض کو موت کی قربت کا احساس ہو تو وہ کیا کہے

322۔حضرت عائشہ رضی اللہ عنہا کہتی ہیں کہ:’’ میں نے آپ صلی اللہ علیہ وسلم کو اس حال میں فرماتے ہوئے سنا کہ آپ مجھ پر سہارا لگائے تھے :

((اللّٰهمَّ اغْفِرْ لِي، وَارْحَمْنِي، وأَلْحِقْنِي بِالرَّفِيْقِ الأَعْلَى)).

’’ اے میرے اللہ! مجھے بخش دے اور مجھ پر رحم فرما اور مجھ کو رفیق اعلی سے ملادے۔‘‘

متفق عليه: رواه البخاري في المغازي (4440) وفي المرضى (5674)، ومسلم في فضائل الصحابة (2444).