تحفۃ المتقین

278۔حضرت ابوہریرہ رضی اللہ عنہ سے روایت ہے؛ فرمایا کہ:

’’نبی صلی اللہ علیہ وسلم کے پاس کچھ فقیر آئے اور انہوں نے کہا کہ مالدار لوگ بڑے بڑے درجے اور دائمی عیش حاصل کر رہے ہیں ، کیونکہ وہ نماز بھی پڑھتے ہیں ، جیسے ہم نماز پڑھتے ہیں اور روزہ بھی رکھتے ہیں جس طرح ہم روزہ رکھتے ہیں غرض جو عبادت ہم کرتے ہیں وہ اس میں شریک ہیں )۔ اور ان کے پاس مالوں کی زیادتی ہے جس سے وہ حج کرتے ہیں عمرہ کرتے ہیں اور جہاد کرتے ہیں اور صدقہ دیتے ہیں ۔

آپ صلی اللہ علیہ وسلم نے فرمایا :’’ کیا میں تم کو ایسی بات نہ بتلاؤں کہ اگر اس پر عمل کرو تو جو لوگ تم سے آگے نکل گئے ہوں ، تم ان تک پہنچ جاؤ گے اور تمہیں تمہارے بعد کوئی نہ پہنچ سکے گا ؛اور تم تمام لوگوں میں بہتر ہوجاؤ گے اس کے سوا جو اسی کے مثل عمل کرلے، تم ہر نماز کے بعد تینتیس تینتیس مرتبہ تسبیح اور تحمید اور تکبیر پڑھ لیا کرو۔‘‘

اس کے بعد ہم لوگوں نے اختلاف کیا اور ہم میں سے بعض نے کہا کہ ہم تینتیس چونتیس مرتبہ پڑھیں گے۔‘‘ تو میں پھر آپ صلی اللہ علیہ وسلم سے پوچھا ؛آپ صلی اللہ علیہ وسلم نے فرمایا:’’ سُبْحَانَ اللَّهِ وَالْحَمْدُ لِلَّهِ وَاللَّهُ أَکْبَرُ پڑھا کرو یہاں تک کہ ہر ایک ان میں سے تینتیس مرتبہ ہوجائے ۔‘‘

متفق عليه: رواه البخاري في الأذان (843)، ومسلم في المساجد (595). آپ کا فرمان : « الدُثور» بضم المهملة والمثلثة، جمع دَثر بفتح ثم سكون، وهو المال الكثير.

279۔ حضرت ابوہریرہ رضی اللہ عنہ فرماتے ہیں : رسول اللہ صلی اللہ علیہ وسلم نے فرمایا :

’’ جس آدمی نے ہر نماز کے بعد 33 مرتبہ سُبْحَانَ اللَّهِ 33 مرتبہ اَلْحَمْدُ لِلَّهِ اور 33 مرتبہ اَللَّهُ أَکْبَرُ کہا تو یہ 99 کلمات ہوگئے اور سو کا عدد پورا کرنے کے لئے (( لَا إِلَهَ إِلَّا اللَّهُ وَحْدَهُ لَا شَرِيکَ لَهُ لَهُ الْمُلْکُ وَلَهُ الْحَمْدُ وَهُوَ عَلَی کُلِّ شَيْئٍ قَدِيرٌ)) کہہ لیا تو اس کے سارے گناہ معاف کر دئیے جائیں گے چاہے وہ سمندر کی جھاگ کے برابر ہوں ۔‘‘[صحيح: رواه مسلم في المساجد (597)]

280۔ حضرت ابو ذر رضی اللہ عنہ سے روایت ہے ؛فرمایا: