قرآن کی عظمتیں اور اس کے معجزے

ذاتی امور اور قلبی جذبات و معاملات کے بارے میں مومنوں کو عدل کا حکم دیتے ہوئے اللہ تعالیٰ نے فرمایا ہے:

’’اور کسی قوم کی دشمنی تمھیں اس بات پرآمادہ نہ کرے کہ تم عدل نہ کرو۔عدل کرو، یہی بات تقویٰ کے زیادہ قریب ہے۔‘‘[1]

اللہ تعالیٰ نے سیاسی اور سرکاری معاملات میں مومنوں کو عدل کا حکم اس طرح دیا ہے:

’’اور جب تم لوگوں کے درمیان فیصلہ کرو تو انصاف کے ساتھ فیصلہ کرو۔‘‘[2]

مومنوں کو اغیار اور دشمنوں کے ساتھ بھی بھرپور عدل کی تاکید کی گئی ہے۔

اللہ تعالیٰ نے فرمایا ہے:

’’اور ان سے جنگ کرو یہاں تک کہ فتنہ باقی نہ رہے اور دین صر ف اللہ کے لیے ہو جائے، پھر اگر وہ باز آ جائیں تو ظالموں کے سوا کسی پر زیادتی جائز نہیں۔‘‘[3]

مسلمان خواہ نیکو کار ہوں یا بدکار، ان سب کے ساتھ مومنوں کو عدل کرنے کا حکم دیتے ہوئے فرمایا:

’’(اگر مومنوں کاایک گروہ دوسرے پر زیادتی کرے) تو تم اس سے لڑو جو زیادتی کرتا