قرآن کی عظمتیں اور اس کے معجزے

شریعت اور قانون ہی کے مطابق فیصلے کریں۔

ظلم کو حرام قرار دینے کے بالمقابل عدل کا حکم ہے۔اللہ تعالیٰ نے اسی پر آسمانوں اور زمین کو قائم کیا ہے، اسی کی وجہ سے اس نے رسول بھیجے، کتابیں نازل فرمائیں اور قوانین اور شریعتیں مقرر فرمائیں ۔اللہ تعالیٰ نے فرمایا ہے:

’’اللہ ہی ہے جس نے حق کے ساتھ کتاب اور ترازو نازل کی۔‘‘[1]

اسی طرح فرمایا:

’’یقینا ہم نے اپنے رسول واضح نشانیوں کے ساتھ بھیجے اور ہم نے ان پر کتاب اور میزان نازل کی تاکہ لوگ انصاف پر قائم رہیں۔‘‘[2]

پس حق اور میزان دونوں عدل ہیں اور یہ دونوں وہی (اَلْقِسْطُ) ’’انصاف‘‘ ہیں جس کی قرآنِ کریم نے دعوت دی ہے۔[3]

٭ عدل کے میدان کار: اللہ تعالیٰ نے صریح طور پر اپنے رسول صلی اللہ علیہ وسلم کو عدل کا حکم دیا ہے جیسا کہ فرمان الٰہی ہے:

’’اور مجھے حکم دیا گیا ہے کہ میں تمھارے درمیان انصاف کروں۔‘‘[4]

اسی طرح اللہ تعالیٰ نے مومنوں کو عدل کا حکم دیا ہے کیونکہ عدل تمام امور سے بڑھ کر تقویٰ