قرآن کی عظمتیں اور اس کے معجزے

ایک اور جگہ ارشاد فرمایا:

’’اور اللہ جہان والوں پر ظلم کرنے کا کوئی ارادہ نہیں رکھتا۔‘‘[1]

نیز فرمایا:

’’اور اللہ (اپنے)بندوں پر ظلم کرنا نہیں چاہتا۔‘‘[2]

اور فرمایا:

’’بے شک اللہ لوگوں پر کچھ ظلم نہیں کرتا۔‘‘[3]

مزید فرمایا:

’’بے شک اللہ ذرہ برابر بھی ظلم نہیں کرتا۔‘‘[4]

اس کے باوجود کہ لوگ اللہ تعالیٰ کے بندے اور غلام ہیں اور وہ جوسلوک بھی بندوں سے روا رکھے، اس کے بارے میں اس سے کوئی مواخذہ نہیں کیا جا سکتا، پھر بھی اللہ تعالیٰ اپنی ذات عالی سے ظلم کی نفی فرماتا ہے۔

جس ذات عالی نے اپنے اوپر ظلم کو حرام قرار دے رکھا ہے، وہ لوگوں پر ذرہ برابر بھی ظلم نہیں کرتی۔ اس کی مقرر کردہ شریعت اور اس کے دیے گئے احکام عدل و انصاف کے سوا کچھ نہیں۔پس اگر بندے دنیا و آخرت میں کامیابی چاہتے ہیں تو ان پر لازم ہے کہ وہ قرآنی