نور الھدی و ظلمات الظلال فی ضوء الکتاب والسنۃ

(8)عمرو بن شعیب سے روایت ہے وہ اپنے والد سے اور وہ اپنے دادا سے روایت کرتے ہیں کہ نبی کریم صلی اللہ علیہ وسلم نے سفید بالوں کو اکھیڑنے سے منع کیا ہے،اور فرمایا ہے:

’’إنہ نور المسلم‘‘[1]۔

یہ مسلمان کا نور ہے۔

(9)کعب بن مرہ رضی اللہ عنہ سے روایت ہے،وہ بیان کرتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا:

’’من شاب شیبۃ في الإسلام کانت لہ نوراً یوم القیامۃ‘‘[2]۔

جس کے بال(بڑھاپے کے سبب)اسلام(کی حالت)میں سفید ہو گئے،وہ قیامت کے روز اس کے لئے روشنی ہوں گے۔

(10)عمرو بن عبسہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:

’’من شاب شیبۃ في سبیل اللّٰه کانت لہ نوراً یوم القیامۃ‘‘[3]۔

جس کے بال(بڑھاپے کے سبب)اللہ کی راہ میں سفید ہو گئے،وہ قیامت کے روز اس کے لئے روشنی ہوں گے۔