|
جیسا کہ ارشادباری تعالیٰ ہے:
﴿يَا أَيُّهَا الَّذِينَ آمَنُوا إِن تَنصُرُوا اللّٰه يَنصُرْكُمْ وَيُثَبِّتْ أَقْدَامَكُمْ﴾ (محمد۴۷ /۷)
’’اے اہل ایمان اگرتم اللہ کی مددکروگےتووہ بھی تمہاری مددکرے گااورتم کو ثابت قدم رکھے گا ۔‘‘
اورفرمایا:
﴿وَلَيَنصُرَنَّ اللّٰه مَن يَنصُرُهُ ۗ إِنَّ اللّٰه لَقَوِيٌّ عَزِيزٌ ﴿٤٠﴾ الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنكَرِ ۗ وَلِلَّـهِ عَاقِبَةُ الْأُمُورِ﴾ (الحج۲۲ /۴۰۔۴۱)
’’اورجوشخص اللہ (کے دین)کی مددکرتا ہےاللہ اس کی مددضرورکرےگابے شک اللہ تعالیٰ زبردست قوت اورغلبے والا ہے، یہ وہ لوگ ہیں کہ اگر ہم ان کو ملک میں دسترس(قدرت واختیار)دیں تو نماز قائم کریں، زکوۃ اداکریں اورنیک کام کرنے کا حکم دیں اوربرے کاموں سے منع کریں اورسب کاموں کا انجام اللہ ہی کے اختیار میں ہے ۔‘‘
مزیدفرمایا:
﴿وَعَدَ اللّٰه الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا ۚ يَعْبُدُونَنِي لَا يُشْرِكُونَ بِي شَيْئًا﴾ (النور۵۵ /۲۴)
’’جولوگ تم میں سے ایمان لائے اورنیک کام کرتے رہےان سے اللہ کا وعدہ ہے کہ ان کو ملک کا حاکم بنادےگاجیسا کہ ان سے پہلے لوگوں کو حاکم بنایا تھا اوران کے دین کو، جسے اس نے ان کے لیے پسند کیا ہے، مستحکم و پائیدارکرےگا اورخوف کےبعد ان کو امن بخشے گا۔وہ میری عبادت کریں گے اورمیرے ساتھ کسی چیز کو شریک نہ بنائیں گے ۔‘‘
اورفرمایا:
﴿وَاعْتَصِمُوا بِحَبْلِ اللّٰه جَمِيعًا وَلَا تَفَرَّقُوا﴾ (آل عمران۳ /۱۰۳)’’اور تم سب مل کراللہ کی(ہدایت کی) رسی کو مضبوط پکڑے رہنااورمتفرق نہ ہونا ۔‘‘
اس مضمون کی اوربھی بہت سی آیات ہیں ۔لیکن جب تک قائدین، کتاب اللہ وسنت رسول اللہ صلی اللہ علیہ وسلم کو چھوڑ کرکسی اورجگہ سے ہدایت وراہنمائی حاصل کرتے رہیں گے، اللہ تعالیٰ کی شریعت کو نافذ نہیں کریں گے اوراس کےبجائے ایسے قوانین نافذ کریں گے جو ان کے دشمنوں نے ان کے لیے بنائے ہوں تووہ اس پسماندگی اوراس انتشاروخلفشارسے کبھی نجات نہیں پاسکیں گے، دشمن انہیں حقیر سمجھتا رہے گا اورکبھی بھی انہیں ان کے حقوق نہیں د ے گا۔آہ:
﴿وَمَا ظَلَمَهُمُ اللّٰه وَلَـٰكِنْ أَنفُسَهُمْ يَظْلِمُونَ﴾ (آل عمران۳ /۱۱۷)
’’اوراللہ تعالیٰ نے ان پر کوئی ظلم نہیں کیا بلکہ وہ خود اپنے اوپر ظلم کرتے تھے ۔‘‘
ہم اللہ تعالیٰ سے یہ دعا کرتے ہیں کہ وہ سب مسلمانوں کو ہدایت پر جمع فرمائے، ان کے قلوب اوراعمال کی اصلاح فرمائے اوران پر اپنا یہ فضل وکرم فرمائے کہ یہ اس کی شریعت کو نافذ کریں اورپھر استقامت کے ساتھ شریعت ہی کے
|