|
جائےتو(اس وقت)کہنے لگے کہ اے میرے پروردگارکاش تومجھے تھوڑی سی اورمہلت دیتا پس میں خیرات کرلیتا اورنیک لوگوں میں داخل ہوجاتا ۔‘‘
آپ جانتے ہیں کہ کئی سالوں سے بارش نہ ہونے کی وجہ سے افریقہ خصوصا سوڈان میں آپ کے مسلمان بھائی خشک سالی اورقحط کی کس قدرمصیبت میں مبتلا ہیں، تواےمسلمانو!اپنے رب کے فرمان پر لبیک کہو، اس کے راستے میں اپنے مالوں کو خرچ کرو او راللہ تعالیٰ کی نعمتوں کا حق اداکرتے ہوئے ان کا شکر اداکرو۔
اے دینی بھائیوں !میں تمہیں ترغیب دلاتا ہوں کہ امدادجمع کرنے والی ان کمیٹیوں کی مددکرو اوراپنے عطیات ان کے پاس جمع کرادو اوریاد رکھو کہ اللہ تعالیٰ بھی اس وقت تک اپنے بندے کی مددکرتا رہتا ہے، جب تک بندہ اپنے کسی بھائی کی مددمیں مصروف ہوتا ہے اورصحیح حدیث میں ہے، رسول اللہ صلی اللہ علیہ وسلم نے فرمایا:’’مومن، مومن کے لیے ایک دیوار کی مانند ہے کہ اس کاایک حصہ دوسرے کے لیے مضبوطی کاباعث ہوتا ہے‘‘ (اوریہ بات آپ صلی اللہ علیہ وسلم نےاپنی انگلیوں کو ایک دوسری میں داخل کرکے سمجھائی۔)نیز آپ کا ارشادگرامی ہے کہ’’باہمی شفقت، رحم دلی اورغم گساری کے اعتبار سےمسلمانوں کی مثال ایک جسم کی مانند ہے کہ اگرکوئی ایک عضو مبتلائے دردہو توساراجسم بیداری اوربخار اور کے باعث بے قرارہوجاتا ہے ۔‘‘
آپ صلی اللہ علیہ وسلم نے فرمایاہے:’’جہنم کی آگ سے بچو!خواہ کھجور(کے دانے)کا آدھا حصہ خرچ کرکے ۔‘‘نیز آپ صلی اللہ علیہ وسلم نے فرمایا:’’صدقہ گناہ کو اس طرح مٹا دیتا ہے جس طرح پانی آگ کو بجھادیتا ہے ۔‘‘بخاری ومسلم میں حضرت ابوہریرہ رضی اللہ عنہ سےروایت ہے کہ رسول اللہ صلی اللہ علیہ وسلم نے فرمایاکہ’’جوشخص کھجوربرابر بھی اپنی پاک کمائی سےصدقہ کرے۔۔۔یادرہے کہ اللہ تعالیٰ صرف پاک صدقہ ہی کو قبول فرماتا ہے۔۔۔تواللہ اپنے دائیں ہاتھ سے اسے قبول فرما لیتا ہے اور پھر صدقہ کرنے والے کے لیے ا سے اس طرح پالتا پوستا ہے جس طرح تم میں سے کوئی اپنے بچھڑے کو پالتا پوستا ہے یہاں تک کہ وہ (کھجور کے برابرصدقہ)پہاڑ سے بھی زیادہ بڑا ہوجاتا ہے ۔‘‘
صدقہ کرنے اورفقیر(تنگدست)مسلمان کی مدداورغم گساری کرنے کی فضیلت کے بارے میں بہت سی آیات واحادیث ہیں، جنہیں سب جانتے ہیں۔میں اللہ تعالیٰ سے دعا کرتا ہوں کہ وہ ہمیں اورتمہیں اپنی رضا اورخوشنودی کے کاموں میں سبقت کی توفیق عطافرمائے، ہمارے اورآپ کے صدقہ کو قبول فرمائے، آپ کو اجر بے پایاں سے نوازے اورآپ نیکی کی راہ میں جو کچھ خرچ کریں وہ اس کا نعم البدل عطا فرمائے، افریقہ اوردیگر علاقوں میں بسنے والے ہمارے مسلمان بھائیوں کے حال پر رحم فرمائے، ان کی فریاد رسی کرے اورموجودہ بلااورمصیبت کو ان سے دور فرمادے۔
|