Maktaba Wahhabi

233 - 271
نیز فرمایا: [وَمَا تَشَاۗءُوْنَ اِلَّآ اَنْ يَّشَاۗءَ اللہُ رَبُّ الْعٰلَمِيْنَ۝۲۹ۧ ][1] ترجمہ:اور تم بغیر پروردگارِ عالم کے چاہے کچھ نہیں چاہ سکتے۔ ٭ چوتھا مرتبہ یہ ہے کہ اس کائنات میں جو کچھ ہے یا ہونے والا ہے سب اللہ تعالیٰ کی خلق وایجادہے،جو اللہ تعالیٰ کی مشیئت سے اس علمِ سابق (ازلی علم) کے مطابق عمل میں آتی ہے جو اللہ تعالیٰ نے آسمانوں اور زمین کی تخلیق سے پچاس ہزار سال قبل لوحِ محفوظ میںلکھ دیاتھا،لہذا ہر ہر ذات ،اور ہر ہر فعل صرف اللہ تعالیٰ کی خلق وایجاد ہے۔ اللہ تعالیٰ نے فرمایا: [اَللہُ خَالِقُ كُلِّ شَيْءٍ۰ۡ][2] ترجمہ:اللہ ہی ہر چیز کا خالق ہے۔ نیز فرمایا: [وَاللہُ خَلَقَكُمْ وَمَا تَعْمَلُوْنَ][3] ترجمہ: حالانکہ تمہیں اور تمہارے اعمال کو اللہ تعالیٰ ہی نے پیدا کیا ہے۔ ایمان بالقدر کا تعلق ایمان بالغیب سے ہے۔۔۔ اللہ تعالیٰ نے تقدیر میںجو فیصلے فرمادیئے اور انہیں لوحِ محفوظ میں تحریر فرمادیا وہ سب کا سب علمِ غیب ہے،جسے اللہ تعالیٰ کے سواکوئی نہیں جانتا۔البتہ مخلوق کو تقدیر کے فیصلوں کا علم درج ذیل دوصورتوں میں سے کسی ایک صورت کے ساتھ ہوسکتا ہے :
Flag Counter