Maktaba Wahhabi

108 - 271
ان تمام امور کی انجام دہی درحقیقت اللہ تعالیٰ کے اوامر کی اطاعت کا نتیجہ ہے ۔ فرشتوں کی عبادت فرشتے ،جنہیں بلااستثناء (عبادمکرمون)ہونے کا شرف حاصل ہے،کسی تعطل کے بغیر اللہ تعالیٰ کی عبادت میں مصروف رہتے ہیں،ان کی عبادت کی بہت سی صورتیں کتاب وسنت سے ثابت ہوتی ہیں: 1 خشیت:جیسا کہ اللہ تعالیٰ نے فرمایا: [وَہُمْ مِّنْ خَشْيَتِہٖ مُشْفِقُوْنَ][1] یعنی:فرشتے اللہ تعالیٰ کی خشیت کی وجہ سے ہمیشہ ڈرتے رہتے ہیں۔ نیزفرمایا:[وَيُسَبِّــحُ الرَّعْدُ بِحَمْدِہٖ وَالْمَلٰۗىِٕكَۃُ مِنْ خِيْفَتِہٖ][2] یعنی:تسبیح بیان کرتی ہے بادلوں کی گرج اس کی حمد کے ساتھ اور فرشتے تسبیح بیان کرتے ہیں اس کی خشیت سے۔ فرشتوں کی مسلسل خشیت اور اس سے پیداہونے والی کیفیت کا اندازہ اس حدیث سے ہوتا ہے : عن جابر رضی اللہ عنہ أن رسول ﷲ صلی اللہ علیہ وسلم قال :مررت لیلۃ أسری بالملأ الاعلیٰ وجبریل کالحلس البالی من خشیۃ ﷲ تعالیٰ۔ جابر رضی اللہ عنہ سے مروی ہے، رسول اللہ صلی اللہ علیہ وسلم نے فرمایا: میں معراج کی رات الملأ الاعلیٰ (فرشتوں کی سب سے عالی رتبہ جماعت)کے پاس سے گذرا،جبریل علیہ السلام، اللہ تعالیٰ کی خشیت کی وجہ سے ایک بوسیدہ چادر کی طرح (کمزور )دکھائی دیئے۔ یہ حدیث طبرانی اوسط میں ہے اور شیخ البانی رحمہ اللہ نے صحیح الجامع الصغیر میں اس کی سند کو حسن
Flag Counter