Maktaba Wahhabi

96 - 202

کریں وغیرہ۔ بری صحبت سے بچائیں : بچے کی صحبت کا خیال رکھیں اس کے دوست کیسے ہیں ۔ اس کے دوست نیک ہونے چاہیٔں ۔ بچے کے دوستوں کے گھر جاکر دیکھیں کہ وہ کیسے لوگ ہیں ۔ اس کے سکول کا ماحول کیا ہے؟ ادب ، آداب کا خیال رکھا جاتا ہے کہ نہیں ؟ کیونکہ آپ اچھے ماحول کے بغیر بچے کی تربیت نہیں کرسکتے۔ سب سے بڑھ کر بچے کو نصیحت کریں ۔ بچےنے راہنمائی، مسلسل نگرانی اور مسلسل کوشش سے سیکھنا ہے۔ اس کے بعد آپ امید کرسکتی ہیں کہ وہ بدزبانی نہیں کرے گا۔ اصل بات ہے ہم سمجھتے ہیں کہ بچے کی تربیت کرنا بڑا فالتو کام ہے۔کھلانا پلانا تو ضروری ہے، بھوکا ہوگا تو روئے گا، بچے کو صاف رکھنابھی ضروری ہے، ورنہ لوگ کیا کہیں گے تو یہ سب ہماری مجبوریاں ہیں ۔ مگر بچے کی روحانی تربیت کی طرف توجہ نہیں دیتے کیونکہ وہ کسی کو نظر نہیں آرہی ہوتی۔ حالانکہ اللہ نےعورت پر معاشی ذمہ داری نہیں ڈالی، جہاد فرض نہیں کیا، یہاں تک کہ باجماعت نماز فرض نہیں کی۔ تو اللہ نے جو ان ذمہ داریوں سے عورت کو فارغ کیا ہے تو اس کی وجہ یہی ہے کہ اولاد کی تربیت ایک بڑی ذمہ داری ہے۔ 24 گھنٹے کی ڈیوٹی ہے کہ ایک لمحہ بھی اس سے غافل نہیں ہوسکتے۔ ہم بچے کی پرورش کردیتے ہیں ، تربیت نہیں کرتے۔ آئیےدیکھیں سلف صالحین کس طرح بچوں کی تربیت کرتے اور ان کو اچھی طرح گفتگو کرنا سکھاتے۔ ہشام بن عبدالملک کے زمانے میں قحط پڑ گیا۔مختلف قبائل خلیفہ کے پاس آنے لگ پڑے۔ ان حاضری دینے والوں میں سے دُرداس بن حبیب بھی تھے۔ دُرداس کی عمر صرف 14 سال تھی۔ ہشام نے بُرا منایا اپنے دربان سے کہا جو بھی میرے پاس آنا چاہتا ہے آجاتا ہے، حتیٰ کہ بچے بھی آجاتے ہیں ۔ دُرداس فوراً سمجھ گئے کہ خلیفہ کا اشارہ اُن کی طرف ہے۔کہنے لگے امیرالمؤمنین میرے آپ کے پاس آنےسے آپ کی شان میں تو کوئی فرق