آیت الکرسی کی فضیلت اور تفسیر

’’ظاہری کلام کا تقاضا یہ ہے، کہ تمام مخلوق کی جانب اشارہ ہو۔‘‘[1]

[اس طرح جملے کا ترجمہ یوں ہوگا:

[وہ جانتے ہیں، جو کچھ تمام مخلوق کے آگے ہے اور جو کچھ ان کے پیچھے ہے۔]

۳: ضمیر [ہُمْ] فرشتوں کی طرف پلٹتی ہے۔ امام مقاتل نے بیان کیا: [ہُمْ] سے مراد فرشتے ہیں۔[2]

اس طرح ترجمہ یوں ہوگا:

[وہ جانتے ہیں، جو کچھ، کہ فرشتوں کے آگے ہے اور جو کچھ ان کے پیچھے ہے۔]

د: [مَا بَیْنَ اَیْدِیْہِمْ] اور [وَمَا خَلْفَہُمْ] کی تفسیر میں آٹھ اقوال:

اس حوالے سے حضراتِ مفسرین کے بیان کردہ اقوال میں سے آٹھ درجِ ذیل ہیں:

۱: {مَا بَیْنَ اَیْدِیْہِمْ} سے مراد ان سے پہلے دنیا کے معاملات اور {وَ مَا خَلْفَہُمْ} سے مقصود ان کے بعد آخرت کا معاملہ۔[3]

۲: {مَا بَیْنَ اَیْدِیْہِمْ} سے مراد آخرت ہے، کیونکہ وہ ان کے آگے ہے اور وہ اس کی جانب پیش قدمی کر رہے ہیں اور {وَ مَا خَلْفَہُمْ} سے مقصود دنیا ہے، کیونکہ وہ اسے اپنے پیچھے چھوڑ رہے ہیں۔[4]