| المدینہ اسلامک ریسرچ سینٹرکے زیر اہتمام ہونے والی کانفرنسز ملکی میڈیا کی نظر میں اللہ تعالیٰ کی بندہ پر بے شمار احسانات ہیں جن کے شمار سے بشرقاصر ہے ، ان ہی انعامات اور احسانات میں سب سے عظیم انعام اور احسان یہ ہے کہ اللہ تعالیٰ بندہ کو اپنے دین کی خدمت کا موقع فراہم کردے ۔ المدینہ اسلامک ریسرچ سینٹر کی تمام کابینہ بشمول مجلس علمی ومجلس منتظمہ اللہ تعالیٰ کے انتہائی شکر گذار ہیں کہ باری جل وعلا نے ہمیں اپنے دین کی خدمت کا موقع فراہم کیا ، انہی دینی خدمات کے سلسلے کی ایک کڑی ملکی اور علاقائی سطح پر جدید معاشی ، معاشرتی اور تعلیمی مسائل پر کانفرسز کا انعقاد کرنا تھا ۔ بتوفيق الله ومنته وحوله وقوته المدینہ سینٹر نے اس حوالے سے چند بنیادی سنگ میل عبور کئے اور علاقائی سطح پر پاکستان کے نامور اہل علم کی زیر نگرانی تین کامیاب کانفرسز کا انعقاد کیا جس کو مقامی میڈیا نے بھر پور کوریج دی ۔ سابقہ کانفرنسز جن موضوعات پر منعقد کی گئیں ان میں ۔ پہلی کانفرنس : مقدس رسول صلی اللہ علیہ وسلم کانفرنس ۔ دوسری کانفرنس : شراب : شرعی احکام اور مروجہ نظام مذکورہ بالا دونوں کانفرنسز کی تفصیلات البیان کے سلسلہ نمبر3اورسلسلہ نمبر5میں ذکر کردی گئی ۔ جبکہ حال ہی میں المدینہ اسلامک ریسرچ سینٹر نے مروجہ اسلامک بینکنگ سسٹم کا شرعی پہلو سے جائزہ لینے کیلئے ( اسلامی بینکاری شرعی میزان میں ) کے عنوان پر ایک کامیاب کانفرنس منعقد کی جس میں ملک بھر سے نامور علماء کرام اور ماہرین ِمعیشت نے شرکت فرمائی ۔ اور اپنی تحقیقات ومقالہ جات پیش کئے ۔ مذکورہ کانفرنس میں اسلامی بینکاری میں اصلاحات کیلئے سفارشات بھی پیش کی گئیں جو اس خاص نمبر میں تفصیل سے مذکور ہیں ۔ مقامی میڈیا ( اخبارات ، ٹی وی چینلز ، سوشل میڈیا سائٹس ) نے ان کانفرنسز کو خاطر خواہ کوریج دی ۔ جس سے ان کانفرنسز کی افادیت میں خاطر خواہ اضافہ ہوا اور لوگوں نے رابطہ کرکے کانفرسز کی تفصیلی مواد حاصل کیا ۔ تحدیثِ نعمت کے طور پر اس کوریج کا کچھ حصہ قارئین کے سامنے پیش کیا جاتا ہے ۔ المدینہ اسلامک ریسرچ سینٹر کے زیر اہتمام منعقدہ کانفرنسز کے حوالے سےاخبارات کی رپورٹس پر مشتمل تراشے ملاحظہ ہوں ۔ |
| Book Name | جدید معیشت،تجارت مروجہ اسلامی بینکاری میزان شریعت میں خصوصی اشاعت |
| Writer | المدینہ اسلامک ریسرچ سینٹر کراچی |
| Publisher | المدینہ اسلامک ریسرچ سینٹر کراچی |
| Publish Year | |
| Translator | |
| Volume | |
| Number of Pages | 538 |
| Introduction | المدینہ اسلامک ریسرچ سینٹر کراچی سے جاری ہونیوالا سہہ ماہی البیان کا شمار جماعت مؤقر اور تحقیقی رسالوں میں ہوتا ہے ۔ زیر تبصرہ سہہ ماہی البیان کی خصوصی اشاعت اپنے اندر معیشت سے متعلقہ اہم عناوین پر مشتمل جماعت کے محقق اور جید علماء کے مضامین کو سموئے ہوئے ہے بالخصوص کچھ دہائیوں سے شروع ہونے والی نام نہاد اسلامی بینکار ی اور اس کی پروڈکٹز مضاربہ ، مرابحہ ، مشارکہ اور اجارہ کے حوالے سے تفصیلی طور پر حقیقت کو بیان کیا گیا اور ثابت کیا گیا کہ یہ قطعا اسلامی نہیں بلکہ سودی بینکاری ہی ہے۔ اس کے علاوہ معیشت سے متعلقہ دیگر موجوعات مثلا زراعت ، کرنسی ،اسٹاک ایکسچینج ،ایڈورٹائزمنٹ اور ان جیسے دیگر اہم ترین موضوعات پر مختلف اہل علم کے قیمتی مقالات شامل ہیں۔ |