Maktaba Wahhabi

185 - 318

ایک چوتھی روایت میں یوں آیا ہے: عن أبی ھریرۃ رضی اﷲعنہ قال: کان أھل الکتاب یقرؤن التوراۃ بالعبرانیۃ و یفسرونھا بالعربیۃ لأھل الاسلام فقال رسول اللّٰہ صلی اللّٰہ علیہ وسلم لا تصدقوا أھل الکتاب ولا تکذبوھم و قولوا آمنا باللّٰہ و ما أنزل الینا و ما أنزل الیکم [1] حضرت ابو ھریرہ رضی اﷲعنہ فرماتے ہیں کہ اہل کتاب عبرانی زبان میں تورات پڑھتے اور اہل اسلام کیلئے اسکی تشریح عربی میں کرتے تھے تو رسول اللہ صلی اللہ علیہ وسلم نے فرمایا :نہ اہل کتاب کی تصدیق کرو نہ انہیں جھٹلا ؤ اور یوں کہو کہ ہم اللہ پر ایمان لائے اور اس پر جو ہم پر نازل کیا گیا اور جو تم پر نازل کیا گیا۔ ج: اجماع: اور کروڑوں علماء و حکماء اور دانشور و عقلاء کا ہر زمان و ہر مکان میں اللہ تعالیٰ کی آسمانی کتابوں پر ایمان لانا اور وہ بھی پختہ یقین اور کامل اعتقاد کیساتھ۔ عقلی دلائل ۱۔ انسان کی کمزوری اور اسکا اپنے رب کی طرف اپنے جسم وروح کی اصلاح کیلئے محتاج ہونا آسمانی کتابوں کے نزول کا مقتضی (تقاضا کرنے والا) ہے جو احکام تشریعیہ اور قوانین حقہ پر مشتمل ہوں جن کے ذریعے انسان اپنی دنیا وآخرت کی زندگی کا اصل مقصد پاکر کمال انسانیت کو پہنچ جائے ۲۔ جب انبیاء علیہم السلام احکام الٰہی پہنچانے کیلئے خالق و مخلوق کے درمیان واسطے ہیں اور ساتھ ساتھ یہ بھی مسلّم ہے کہ انبیاء و رسل علیہم السلام دوسرے انسانوں کی طرح کچھ زمانہ تک زندہ رہ کر وفات پاجاتے ہیں تواگر ان کی رسالت و نبوت مخصوص کتابوں پر مشتمل نہ ہو تو صاف ظاہر ہے کہ