|
’’آنحضرت صلی اللہ علیہ وسلم نے فرمایا ہے: اپنے گھروں کو قبروں کی طرح نہ بنائو کیونکہ جس گھر میں سورۂ بقرہ پڑھی جائے اس میں شیطان داخل نہیں ہوگا۔‘‘
3۔ قال رسول اللّٰه ﷺ: (إن الشیطان یخرج من البیت إذا سمع سورۃ البقرۃ )[1]
’’رسول اللہ صلی اللہ علیہ وسلم نے فرمایا ہے: شیطان جس گھر میں سورۂ بقرہ کی قراء ت سنتا ہے وہاں سے نکل جاتا ہے۔‘‘
4۔ قال أبو ھریرۃ: (( بعث رسول اللّٰه ﷺ بعثا وھم ذو عدد فاستقرأھم، فاستقرأ کل واحد منھم ما معہ من القرآن، فأتی علی رجل من أحدثھم سنا، فقال: ما معک یا فلان؟ فقال: معي کذا وکذا وسورۃ البقرۃ، فقال أمعک سورۃ البقرۃ؟ قال: نعم، قال: اذھب فأنت أمیرھم ))[2]
’’ابوہریرہ رضی اللہ عنہ نے کہا: رسول اللہ صلی اللہ علیہ وسلم نے ایک جماعت کو کہیں بھیجنا چاہا۔ ان سے قرآن پڑھوایا۔ ایک جوان آدمی کو پوچھا تجھے کیا یاد ہے؟ اُس نے کہا: مجھے فلاں فلاں سورت یاد ہے اور سورۂ بقرہ بھی۔ فرمایا: کیا تجھے سورۂ بقرہ بھی یاد ہے؟ اُس نے کہا: ہاں حضور! فرمایا: جا تو ان کا امیر ہے۔‘‘
|