|
اور ہیبت زدگی کے وہ سارے آثار اس آدمی پر طاری ہوجائیں جو اس حالت میں فطرتاً طاری ہو جایا کرتے ہیں جبکہ آدمی کسی زبردست با جبروت ہستی کے حضور پیش ہو نماز میں خشوع سے مراد دل اور جسم کی یہی کیفیت ہے اور یہی نماز کی اصل روح ہے حدیث میں آتا ہے کہ ایک مرتبہ نبی صلی اللہ علیہ وسلم نے ایک شخص کو دیکھا کہ نماز پڑھ رہا ہے اور ساتھ ساتھ ڈاڑھی کے بالوں کو کھجلاتا جاتا ہے اس پر آب نے فرمایا '' لَوْ خَشَعَ قَلْبُہ، خَشَعَتْ جَوَارِحُہ '' اگر اس کے دل میں خشوع ہوتا تو اس کے جسم پر بھی خشوع طاری ہوتا ''۔[1]
جب کوئی خدا کا بندہ بارگاہ ایزدی میں ادائیگی نماز کے لئے کھڑا ہوتو اس کے قلب کی یہ کیفیت ہو کہ اس پر رقت نرمی خاکساری اور فروتنی طاری ہونے کے ساتھ ساتھ اس کی مکمل توجہ (Attentoin) اللہ تعالیٰ کی طرف ہو اور یہی حال اس کے اعضائ و جوارح کا بھی ہو اور وہ یوں سمجھے کہ گویا وہ اللہ تعالیٰ کو دیکھ رہا ہے اگر وہ ایسا نہیں کر سکتا تو کم از کم یہی ذہن میں رکھے کہ اللہ تعالیٰ اسے دیکھ رہا ہے۔ جیسا کہ نبی کریم صلی اللہ علیہ وسلم نے فرمایا:
''اَنْ تَعْبُدَاﷲَ کَاَنَّکَ تَرَاہ، فَاَن لَّمْ تَکُنْ تَرَاہُ فَاِنَّہ، یَرَاکَ'' [2]
(تو اللہ تعالیٰ کی عبادت ایسے کرگویا کہ تو اس کو دیکھ رہا ہے پس اگر تو اس کو نہیں دیکھ سکتا (یعنی اگر ایسی کیفیت پیدا نہیں ہو سکتی ) تو اس بات پر یقین ہے کہ وہ تجھے دیکھتا ہے)
روز محشر نماز کے فوائد
جو بندہ مومن صلوات خمسہ (پانچ نمازوں )کی ادائیگی بڑی پابندی ،ذمہ داری اور اہتمام خاص سے کرتا ہوگا یوم ثقیل( بوجھل دن یعنی قیامت کے دن ) کے شدید لمحات اور ہولناک لحظات میں جہاں نماز اس کا نور اور برہاں ہوگی وہاں اس کی نجات کا معتبر ذریعہ بھی ہوگی ، چنانچہ پیارے نبی کریم صلی اللہ علیہ وسلم کا فرمان ہے:
|