Maktaba Wahhabi

102 - 239

تم اپنی بہن کے لیے یہ پسند کرتے ہو! ایک مرتبہ ایک شخص رسول اکرم صلی اللہ علیہ وسلم کی خدمت میں حاضر ہوا اور عرض کیا: اے اللہ کے رسول! مجھے زنا کی اجازت دے دیں ۔ لوگ سنتے ہی اسے جھڑکنے اور ڈانٹنے لگے۔ رسول اکرم صلی اللہ علیہ وسلم نے فرمایا: ’’قریب آؤ اور بیٹھ جاؤ۔‘‘ وہ قریب آکر بیٹھ گیا۔ نبی کریم صلی اللہ علیہ وسلم نے فرمایا: ’’ (جس چیز کی تو اجازت طلب کر رہا ہے) کیا تو اپنی ماں کے لیے یہ پسند کرتا ہے۔‘‘ جوان نے کہا: قربان جاؤں ، نہیں (میں اسے کبھی گوارا نہیں کر سکتا)۔ نبی کریم صلی اللہ علیہ وسلم نے فرمایا: ’’ہاں ! کوئی شخص بھی اپنی ماں کے لیے یہ پسند نہیں کرسکتا۔‘‘ پھر آپ صلی اللہ علیہ وسلم نے پوچھا: ’’کیا تم اپنی بیٹی کے لیے یہ پسند کرتے ہو۔‘‘ جوان بولا: قربان جاؤں ، نہیں ۔ فرمایا: ’’ہاں ! کوئی شخص بھی اپنی بیٹی کے لیے یہ پسند نہیں کرتا۔‘‘ پھر آپ صلی اللہ علیہ وسلم نے پوچھا: ’’تم اپنی بہن کے لیے یہ چیز پسند کرتے ہو۔‘‘ جوان بولا: قربان جاؤں ، نہیں ۔ فرمایا: ’’ہاں ! کوئی شخص بھی اپنی بہن کے لیے ایسا پسند نہیں کرتا۔‘‘ پھر آپ صلی اللہ علیہ وسلم نے پوچھا: ’’تم اپنی پھوپھی کے لیے یہ بات پسند کرتے ہو؟‘‘ جوان بولا: قربان جاؤں ، نہیں ۔ فرمایا: ’’ہاں ! کوئی شخص بھی اپنی پھوپھی کے لیے یہ پسند نہیں کرتا۔‘‘ پھر پوچھا: ’’تم اپنی خالہ کے لیے یہ بات پسند کرتے ہو؟‘‘