|
وعدہ کی پاسداری
اندلس کے دو حاکموں ، حارس بن عباد اور عدی بن ابی ربیعہ میں لڑائی چھڑ گئی۔ حارس بن عباد کو عدی بن ابی ربیعہ کی تلاش تھی۔ ان دونوں کی آپس میں کبھی ملاقات نہ ہوئی تھی اور نہ وہ ایک دوسرے کو پہچانتے تھے۔ حارس بن عباد، عدی سے اپنی پرانی دشمنی کو انتقام لینا چاہتا تھا۔ ابھی لڑائی شروع نہیں ہوئی تھی کہ حارس کے فوجیوں نے ایک آدمی کو گرفتار کر لیا۔ اسے حارس بن عباد کے سامنے پیش کیا گیا تو اس نے قیدی سے پوچھا: مجھے بتاؤ عدی بن ابی ربیعہ کہاں ہے (وہ اس کی شکل نہیں پہچانتا تھا)؟
قیدی کہنے لگا: اگر میں تمہیں عدی کے بارے میں بتا دوں تو کیا مجھے آزاد کر دو گے؟
حارس نے کہا: ہاں ، میں وعدہ کرتا ہوں کہ تمہیں رہا کر دوں گا۔
قیدی نے کہا: تو پھر سنو، میں ہی عدی بن ابی ربیعہ ہوں ۔
حارس بن عباد نے اسے اپنے وعدے کی پاسداری کی خاطر رہا کر دیا۔
(ماخوذ از سنہرے اوراق، عبدالمالک مجاہد)
٭٭٭
|