عیدین کی پہلی رکعت میں سات تکبیرات ہیں اور دوسری رکعت میں پانچ۔ یہ کل دس روایتیں ہوئیں {تلک عشرہ کاملۃ} اور یہ کل روایتیں عمر بن شعیب کی حدیث مذکور کی مؤید وشاہد ہیں ۔پس عمر بن شعیب کی حدیث بالا شبہ صحیح اور قابلِ احتجاج ہے۔ سوال نمبر 2: عمر بن شعیب مذکور کی سند میں عبد اللہ بن عبدا لرحمن طائفی واقعی ہیں۔ ان کی نسبت امام طحاوی شرح معانی الاثار میں لکھتے ہیں۔ لیس عند ھم بالذی یحتج بروایتہٖ۔ عبد اللہ بن عبد الرحمن کی روایت قابلِ احتجاج نہیں ہوتی ہے۔ اور علامہ علاؤ الدین ’’جو ہرالنقی‘‘ میں لکھتے ہیں۔ عبد اللہ الطائفی متکلم فیہ قال ابو حاتم والنسائی لیس بالقوی فی کتاب ابن الجوزی ضعفہ یحییٰ انتھی۔ عبد اللہ طائفی متکلم فیہ ہیں ابو حاتم اور نسائی نے کہا ہے کہ یہ قوی نہیں ہیں اور یحییٰ بن معین نے ان کو ضعیف کہا ہے۔ جواب :ابن حبان رحمۃ اللہ علیہ نے عبد اللہ بن عبد الرحمن طائفی کی توثیق کی ہے اور یحییٰ بن معین رحمۃ اللہ علیہ نے ان کے بارے میں لکھا ہے صالح اور ابن عدی نے لکھا ہے۔ ھو ممن یکتب حدیثہ اور امام بخاری رحمۃ اللہ علیہ نے لکھا ہے مقارب الحدیثاور یہ تینوں لفظ الفاظ تعدیل سے ہیں اور ابن عدی نے یہ بھی لکھا ہے کہ ان کی تمام حدیثیں جو عمر و بن شعیب سے مروی ہیں مستقیم ہیں۔ چنانچہ میزان الاعتدال میں ہے۔ ذکرہ ابن حبان فی الثقات وقال ابن معین صویلح وقال ابن عدی اما سائر حدیثہ فعن عمر و بن شعیب وھی مستقیمۃ فھو ممن یکتب حدیثہ اور خلاصہ میں ہے قال یحییٰ صالح ۔ رہے ابو حاتم ، نسائی اور یحییٰ بن معین کہ انھوں نے عبد اللہ بن عبد الرحمن پر |
Book Name | مقالات محدث مبارکپوری |
Writer | الشیخ عبدالرحمٰن مبارکپوری |
Publisher | ادارہ علوم اثریہ |
Publish Year | |
Translator | |
Volume | |
Number of Pages | 277 |
Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |