عقیدہ توحید

چھٹی فصل اﷲ کے قانون سے ہٹ کر فیصلہ دینا

اﷲ تعالیٰ پر ایمان اور اس کی عبادت کا تقاضہ یہ ہے کہ اس کے احکام کے سامنے سرِ تسلیم خم کیا جائے اور اس کی نازل کردہ شریعت سے راضی اور خوش رہا جائے، عقائد اور اقوال اور باہمی تنازعات، مال اور قتل کے مقدموں، اور نیز حقوق اور دیگر اختلافی معاملات میں اﷲ کی کتاب اور اس کے رسول کی سنت کی طرف رجوع کیا جائے، کیونکہ اﷲ ہی حقیقی حاکم ہے اور فی کے لئے اسی کی طرف رجوع کرنا چاہئے، اسی بنا پر حُکّام پر واجب ہے کہ وہ اﷲ کی شریعت کے مطابق فیصلہ کریں، اور رعایا کے لئے ضروری ہے کہ وہ اﷲ کی کتاب اور سنت رسول صلی اللہ علیہ وسلم کے مطابق فیصلہ طلب کریں ۔ حکمرانوں کے لئے اﷲ تعالیٰ کا یہ فرمان ہے :

﴿ اِنَّ اللّٰہِ یَاْمُرُکُمْ اَنْ تُؤَدُّوْا الْاَمٰنَاتِ اِلٰی اَہْلِہَا وَاِذَا حَکَمْتُمْ بَیْنَ النَّاسِ اَنْ تَحْکُمُوْا بِالْعَدْلِ ﴾(النساء :58 )

ترجمہ : ’’ بے شک اﷲ تعالیٰ تمہیں حکم دیتا ہے کہ امانتیں ان کے مالکوں تک پہنچادو، اور جب لوگوں کے درمیان فیصلہ کرو تو انصاف کے ساتھ کرو ‘‘

اور رعایا کو یہ حکم دیتے ہوئے ارشاد فرمایا :

﴿ یَآ اَیُّھَا الَّذِیْنَ آمَنُوْٓا اَطِیْعُوْا اللّٰہِ وَاَطِیْعُوْا الرَّ سُوْلَ وَ اُوْلِی اْلاَمْرِ مِنْکُمْ فَاِنْ تَنَازَعْتُمْ فِیْ شَئْیٍ فَرُدُّوْہُ اِلَی اللّٰہِ وَالرَّسُوْلِ اِنْ کُنْتُمْ تُؤْمِنُوْنَ بِاللّٰہِ وَالْیَوْمِ الْآخِرِ ج ذٰلِکَ خَیْرٌ وَّاَحْسَنُ تَاْوِیْلاً﴾(النساء :59)

ترجمہ : ’’اے ایمان والو:اﷲ کی اطاعت کرواور رسول کی اطاعت کرو اورانکی جو تم میں صاحبِ امر ہوں ‘اگر تم آپس میں کسی معاملے میں اختلاف کرلو تو اسے اﷲاور