Maktaba Wahhabi

175 - 238

اصل متن :… وقولہ صلی اللہ علیہ وسلم : ((ما منکم من احدالا سیکلمہ ربہ، ولیس بینہ و بینہ ترجمان۔)) حدیث نمبر ۶: نبی کریم صلی اللہ علیہ وسلم کا ارشاد ہے کہ ’’تم میں سے ہر ایک کے ساتھ (عنقریب قیامت کے روز) اس کا رب بات کرے گا جب کہ (اس دن ) اس کے اور اس کے رب کے درمیان کوئی ترجمان نہ ہوگا۔‘‘ _________________________________________________ شرح:… روزِ قیامت سب پردے اٹھ جائیں گے: حدیث نمبر ۱۶ اس بات پر دلالت کرتی ہے کہ عنقریب (قیامت کے روز) رب تعالیٰ اپنے سب بندوں کے ساتھ بلا واسطہ بات کریں گے۔ یہ تکلیم عام ہے کیوں کہ یہ تکلیم محاسبہ ہے (کہ اس ارشاد کے ذریعے رب تعالیٰ سب بندوں کا محاسبہ فرمائیں گے) پس یہ تکلیم مومن و کافر، بداورفاجر ہر ایک کوشامل ہے جو اس ارشاد کے منافی نہیں : ﴿وَ لَا یُکَلِّمُہُمْ اللّٰہُ﴾ (البقرۃ: ۱۷۴، آل عمران: ۷۷) ’’ایسے لوگوں سے اللہ (قیامت کے دن) کلام نہ کرے گا۔‘‘ یہاں جس کلام کی نفی کی گئی ہے وہ ایسا کلام ہے جو مخاطب کو خوش اور مسرور کرے۔ یہ تکلیم خاص ہے اور اس تکلیم کے مقابلہ میں رب تعالیٰ کی وہ تکلیم ہے جو وہ اہل جنت کے ساتھ فرمائے گا اور یہ تکلیم محبت و رضوان اور احسان ہے۔ _________________________________________________ اصل متن :… وقولہ فی رقیۃ المریض: ((ربنا اللّٰه الذی فی السماء تقدس اسمک، أمرک فی السماء والأرض کما رحمتک فی السماء، اجعل رحمتک فی الأرض، اغفرلنا حوبنا وخطایانا، أنت رب الطیبین، أنزل رحمۃ من رحمتک، وشفاء من شفائک علی ھذا الوجع فیبرأ)) حدیث حسن رواہ أبوداود وغیرہ، وقولہ: ((ألا تأمنونی وأنا أمین من فی السماء)) حدیث صحیح۔ وقولہ: ((والعرش فوق الماء، واللّٰه فوق العرش، وھو یعلم ما أنتم علیہ)) حدیث حسن رواہ أبو داود وغیرہ۔ وقولہ للجاریۃ: ((أین اللّٰه؟ قالت: فی السماء، قال: من أنا؟ قالت: أنت رسول