Maktaba Wahhabi

انکارِحدیث کا نیا روپ جلد 1

مؤلف: غازی عزیر

ناشر: مکتبہ قدوسیہ

سال شائع: 2009

حرف آغاز پاک و ہند میں علماء اہل حدیث کی خدمت حدیث اسلامی تاریخ کا روشن باب ہے۔ اہل علم نے ہر دور میں اس کی تحسین کی۔ پاک و ہند سے کتب حدیث کے نہایت مستند متون شائع ہوئے۔ اس خطہ زمین میں کتب حدیث کی نہایت جامع و مانع شروح و حواشی تحریر کیے گئے۔ ان میں جامع ترمذی کی شرح ’’تحفۃ الاحوذی‘‘ اور سنن ابو داؤد کی شرح ’’عون المعبود‘‘ خاص طور سے قابل ہیں۔ تنہا نواب صدیق حسن خان رحمۃ اللہ علیہ کی خدمت حدیث کسی بھی ادارے سے کم نہیں۔ برصغیر کو یہ اعزاز حاصل ہوا کہ اس کے اہم ترین شہر دہلی میں خاندان ولی اللٰہی کا سرچشمہ فیض جاری ہوا۔ اس مرکز رشد و ہدایت میں حضرت شاہ اسحٰق رحمہ اللہ کے بعد شیخ الکل فی الکل حضرت میاں نذیر حسین محدث دہلوی نے صحیح بخاری کا درس دیا۔ آج ہم برصغیر پاک و ہند کے بول و عرض میں علم حدیث کے شیفتگان کے جم غفیر دیکھتے ہیں تو بے اختیار اس مرد درویش کے لیے دعائے خیر زبان پر جاری ہو جاتی ہے کہ جو اصلاً بہار کے رہنے والے تھے لیکن ’’محدث دہلوی‘‘ ان کے اسم گرامی کا لاحقہ بن گیا۔ اللهم اغفرله و ارحمه و عافه وعف عنه ایک طرف جہاں اس خطہ اراضی میں آسمان ہدایت کے یہ روشن چراغ تھے، وہیں بعض ایسے ضال اور مضل بھی تھے کہ جنہوں نے حدیث رسول کی حجیت کا انکار کیا۔ یہ لوگ خود بھی برباد ہوئے اور اپنے پیروکاروں کو بھی خائب و خاسر کیا۔ ان لوگوں کی بدقسمتی کس قدر عبرت ناک ہے کہ انہوں نے قرآن کریم کی حجیت کے نام پر نبی کریم صلی اللہ علیہ وسلم کے اقوال و فرامین کو رد کیا۔ یہ لوگ اہل قرآن کے لقب سے معروف ہوئے لیکن قرآن سے ان کا دور پار کا بھی تعلق نہ تھا۔ وہ شخص کیسے اہل قرآن ہو سکتا ہے جو صاحب قرآن کے اسوہ کو اپنے لیے مشعل راہ نہ سمجھے۔ منکرین حدیث بلکہ صحیح تر لفظوں میں منکرین رسالت کے مختلف گروہ ہیں اور ہر ایک دوسرے سے مختلف لیکن ان کی قدر مشترک استخفاف حدیث اور استہزاء سنت رسول ہے۔ یہی وجہ ہے کہ اس مرکزی خیال کا اشتراک ہمیں آج پرویز اور امین احسن اصلاحی کے پیروکاروں میں نظر آتا ہے جو ماضی میں عبداللہ چکڑالوی، احمد دین امرتسری، غلام احمد قادیانی وغیرہ کے ہاں ملتا ہے۔ ضرورت اس بات کی محسوس ہو رہی تھی کہ امین احسن اصلاحی کے افکار کا کتاب و سنت کی روشنی میں جائزہ لیا جائے۔ تاکہ وہ سادہ لوح افراد جو ان کے پراپیگنڈے کا شکار ہو جاتے ہیں، انہیں حقیقت حال کی خبر ہو سکے اور عامۃ الناس کو بھی اس فتنے سے آگاہی ہو سکے۔ بلاشبہ مولانا امین احسن اصلاحی کا فہم حدیث ایک فتنہ اور گمراہی ہے۔ ہم علی وجہہ البصیرت سمجھتے ہیں کہ ان کا حضرات محدثین کے افکار و نظریات سے دور پار کا بھی تعلق نہیں اور ان کو اپنا کر سوائے آخرت کی بربادی کے کچھ بھی حاصل نہیں ہو گا۔ افسوس ان لوگوں کو ان کے علم نے ہی برباد کر دیا۔ یہ لوگ بری طرح تلبیس ابلیس کا شکار ہوئے۔ الحمدللہ ان کے مغالطوں اور علمی گمراہیوں کو ہندوستان سے تعلق رکھنے والے ایک فاضل جناب غازی عزیر حفظہ اللہ نے طشت ازبام کیا ہے۔ محترم جناب عارف جاوید محمدی حفظہ اللہ نے اس کتاب کا ایک نسخہ اور CD ہمیں کویت سے ارسال کی اور حکم فرمایا کہ پاکستان میں آپ اس کی اشاعت کریں۔ اللہ رب العزت انہیں اس تعاون پر جزائے خیر عطا فرمائیں۔ ہم ان کے شکر گزار ہیں اور ان کے لیے دعاگو ہیں کیونکہ پاک و ہند میں علماء اہل حدیث سے ان کے بے لوث اور مخلصانہ علمی تعاون کا یہ سلسلہ کئی برسوں سے جاری ہے۔ ہر چیز کا ایک وقت مقرر ہوتا ہے۔ چنانچہ کچھ تاخیر کے بعد اب یہ کتاب آپ کے ہاتھوں میں ہے۔ امید ہے اس کا مطالعہ اصلاحی مکتب فکر سے وابستہ افراد کی اصلاح کا سبب بنے گا۔ اللہ رب العزت ہمارے ان کلمہ گو بھائیوں کو ہدایت عطا فرمائے اور انہیں اصحاب رسول صلی اللہ علیہ وسلم کا منہج حدیث اپنانے کی توفیق عطا فرمائے۔ آمین ابوبکر قدوسی جولائی 2009ء
x
صفحہعنوان
11حرفے چند
17تقریظ
35احوال واقعی
55باب اول
55حدیث کا تعارفی خاکہ
55وحی اور اقسام وحی
571۔ وحی متلو
582۔ وحی غیر متلو
58وحی متلو و غیر متلو میں فرق
59وحی کے کچھ حصہ کو ’’الفاظ‘‘ میں اور کچھ کو ’’معانی‘‘ میں نازل کئے جانے کی مصلحت
60رسول اللہ صلی اللہ علیہ وسلم بحیثیت معلم شریعت
64اللہ تعالیٰ نے تاکیداً مکمل اطاعت رسول کا حکم فرمایا ہے
77حدیث نبوی کا منکر کافر ہے
78قرآن میں مذکور لفظ ’’ الْحِكْمَةَ ‘‘ کے معنی ’’سنت‘‘ ہیں
86سنت نبوی بھی وحی پر مبنی ہے
100سنت نبوی بھی قرآن کی طرح محفوظ ہے
111اصول شریعت میں حدیث و سنت کی ثانوی حیثیت ناقابل قبول ہے
124عدم اتباع سنت انکار رسالت کے مترادف ہے
127سنت کی ضرورت و اہمیت جناب اصلاحی صاحب کی نظر میں
129جناب اصلاحی صاحب کی نظر میں قرآن و سنت کا تعلق اور ان کا باہمی نظام عقل و فطرت کے عین مطابق ہے
130علم حدیث کی چند بنیادی اصطلاحات
130حدیث
130’’حدیث‘‘ کا لغوی مفہوم:
131’’حدیث‘‘ کی اصطلاحی تعریف:
134سنت
134سنت کا لغوی مفہوم:
135سنت کا اصطلاحی مفہوم:
141حدیث و سنت میں فرق:
150اثر
150اثر کا لغوی مفہوم:
150اثر کا اصطلاحی مفہوم:
152خبر
152’’خبر‘‘ کا لغوی مفہوم:
152’’خبر‘‘ کا اصطلاحی مفہوم:
154’’خبر‘‘ کی اقسام:
154اخبار آحاد
154لغوی تعریف:
154اصطلاحی تعریف:
155اخبار آحاد کی قسمیں:                 
156اخبار آحاد کا حکم:
157خبر متواتر
157لغوی تعریف
157اصطلاحی تعریف:
160خبر متواتر کی شرائط
168تواتر کی اقسام
170خبر متواتر کا حکم:
171متواتر احادیث کے کمیاب یا نایاب ہونے کی حقیقت
176حدیث و سنت میں فرق، اصلاحی صاحب کی نظر میں
176’’حدیث‘‘ کسے کہتے ہیں؟
178احادیث کے ’’ظنی‘‘ ہونے کی حقیقت:
180خبر تواتر:
182خبر واحد:
183خبر واحد کے بیان میں بعض اغلاط و اوہام کی وضاحت
187سنت کا دائرہ
190کیا سنت کی بنیاد احادیث پر نہیں بلکہ امت کے عملی تواتر پر ہے؟
194منکرین سنت سے جناب اصلاحی صاحب کے سوال کا جائزہ:
198کیا ایک ہی معاملہ میں سنت نبوی مختلف بھی ہو سکتی ہے؟
214استدراکات
219باب دوم
219قرآن و سنت کا باہمی تعلق
220قرآن و سنت میں سے کسی ایک چیز پر اکتفا کرنا گمراہی کا باعث ہے
223فہم قرآن کے لئے صرف زبان پر قدرت کافی نہیں ہے
224فہم قرآن سنت کا محتاج ہے
226حدیث کیوں کر شارح قرآن ہے
227کتاب اللہ پر سنت کے قاضی ہونے کا مطلب
228امام یحییٰ بن ابی کثیر رحمہ اللہ محدثین کی نظر میں
234قرآن کی روشنی میں باعتبار مضمون، احادیث کی قسمیں
2361۔ قرآنی آیات کی موافق یا مترادف احادیث
2392۔ قرآنی آیات کی شارح احادیث
2443۔ قرآن سے زائد احکام و مضامین والی احادیث
2504- مخالف قرآن احادیث
2531- حضرت ابراہیم علیہ السلام کے کذبات ثلاثہ کی حقیقت
2692- تعذيب الميت ببكاء أهله
275نسخ قرآن کا مسئلہ
275نسخ کی لغوی تعریف
276نسخ کی اصلاحی تعریف
278نسخ کی حکمت
279نسخ کی اقسام
279پہلی قسم
280دوسری قسم
282تیسری قسم
284نسخ قرآن پر تمام اہل شرائع کا اتفاق
284نسخ قرآن کا انکار ایک جدید فتنہ ہے
285ناسخ و منسوخ کے علم کی ضرورت و اہمیت
285بلا دلیل کسی آیت یا حدیث کو منسوخ یا مؤول کہنا درست نہیں ہے
286کیا حدیث و سنت قرآن کی ناسخ ہو سکتی ہیں؟
286(الف) امام شافعی رحمہ اللہ وغیرہ کی رائے:
291(ب) متکلمین، اشاعرہ و معتزلہ اور بعض فقہاء کی رائے:
292(ج) امام ابن حزم رحمہ اللہ اور عام مفسرین کی رائے:
294منکرین نسخ کے بعض دلائل اور ان کا جائزہ
297قرآن میں منسوخ آیات کی تعداد
297بعض آیات قرآن جن کا نسخ امت کے نزدیک سنت سے ثابت ہے
2971- پہلی مثال
302حدیث ’’ لَا وَصِيَّةَ لِوَارِثٍ ‘‘ کی تحقیق
3152- دوسری مثال
3163- تیسری مثال
317تقیید مطلق اور تخصیص عموم القرآن کا مسئلہ
317تخصیص ائمہ اربعہ کے نزدیک جائز ہے
319برائے تخصیص عموم چند مفید باتیں
321بصورت ’’زیادت علی الکتاب‘‘، خبر واحد کو رد کرنے کے بطلان پر محققین کے دلائل
321علمائے حنفیہ کے نزدیک تخصیص معتبر ہونے کی چند مثالیں
322اخبار آحاد سے ’’زیادت علی الکتاب‘‘ کے متعلق امام شافعی اور امام محمد رحمہما اللہ کے مابین ہونے والا مناظرہ
323تخصیص عموم قرآن پر جمہور کی حجت
324تخصیص عموم قرآن کی چند مثالیں
328قرآن و سنت کا باہمی تعلق، اصلاحی صاحب کی نظر میں
334امام مکحول الدمشقی رحمہ اللہ (م 135ھ)
335امام اوزاعی رحمہ اللہ (م 157ھ)
339مسئلہ نسخ قرآن کے متعلق فراہی مکتب فکر کے نظریات کا جائزہ
345تخصیص عموم قرآن کے متعلق اصلاحی صاحب کے نظریات کا جائزہ
364استدراکات
Flag Counter