|
جناب صہیب حسن صاحب بھی ’’حدیث‘‘ کو قدیم کی ضد بتاتے ہیں، چنانچہ لکھتے ہیں:
“Hadith means literally new as opposed to old.” [1]
’’حدیث‘‘ کی اصطلاحی تعریف:
حافظ ابن حجر عسقلانی فرماتے ہیں: ’’الحديث في عرف الشرع: ما يضاف إلي النبي صلي اللّٰه عليه وسلم‘‘ [2]
امام سخاوی رحمہ اللہ مزید تفصیل سے فرماتے ہیں: ’’ما أضيف إلي النبي صلي اللّٰه عليه وسلم قولا له أو فعلا أو تقريرا أو صفة حتي الحركات والسكنات في اليقظة والمنام‘‘ [3]
علامہ کرمانی رحمہ اللہ شرح صحیح البخاری میں فرماتے ہیں:
’’اعلم أن علم الحديث موضوعه ذات رسول اللّٰه صلي اللّٰه عليه وسلم من حيث الرسول وحده وهو علم يعرف به أقوال رسول اللّٰه صلي اللّٰه عليه وسلم و أفعاله و أحواله‘‘ [4]
’’جان لو کہ علم حدیث کا موضوع رسول اللہ صلی اللہ علیہ وسلم کی ذات بحیثیت رسول کے ہے اور یہ وہ علم ہے جس سے رسول اللہ صلی اللہ علیہ وسلم کے اقوال، افعال اور احوال کا علم ہوتا ہے۔‘‘
ابن الأکفانی رحمہ اللہ کا قول ہے: ’’علم يشتمل علي أقوال النبي صلي اللّٰه عليه وسلم و أفعاله و روايتها و ضبطها و تحرير ألفاظها‘‘ [5]
علامہ شیخ زکریا بن محمد انصاری رحمہ اللہ ’’فتح الباقی شرح الفیۃ العراقی‘‘ میں فرماتے ہیں: ’’الحديث و يرادفه الخبر علي الصحيح ما أضيف إلي النبي صلي اللّٰه عليه وسلم قيل: أو إلي صحابي، أو إلي من دونه قولا أو فعلا أو تقريرا أو صفة و يعبر عن هذا بعلم الحديث‘‘ [6]
حاجی خلیفہ رحمہ اللہ ’’کشف الظنون‘‘ میں فرماتے ہیں: ’’علم الحديث هو علم يعرف به أقوال النبي صلي اللّٰه عليه وسلم و أفعاله و أحواله ۔۔الخ‘‘[7]یعنی ’’علم حدیث وہ علم ہے جس سے نبی صلی اللہ علیہ وسلم کے اقوال، افعال اور احوال کا علم حاصل ہوتا ہے۔‘‘
صاحب ’’امعان النظر‘‘ فرماتے ہیں: ’’فقہاء کے نزدیک بقول علامہ سخاوی رحمہ اللہ: حدیث ہر اس روایت کو کہتے ہیں جو نبی صلی اللہ علیہ وسلم سے منقول ہو۔‘‘ [8]
|