اسماء اللہ الحسنٰی قواعد معارف اور ایمانی ثمرات

اس آیت میں ضیاء کا درجہ نور سے برتر رکھا ہے اور نور کا لفظ محسوس شے کے لیے مستعمل ہوا ہے۔

۲۔ ﴿جَعَلَ الظُّلُمٰتِ وَ النُّوْرَ﴾ (الانعام: ۱)

’’اللہ نے تاریکی اور روشنی کو بنایا۔‘‘

یہاں بھی محسوس چیزوں کا ذکر ہے۔

۳۔ ﴿یُخْرِجُہُمْ مِّنَ الظُّلُمٰتِ اِلَی النُّوْرِ﴾ (البقرۃ: ۲۵۷)

’’تاریکیوں سے نکال کر روشنی میں لے جاتا ہے۔‘‘

یہاں کفر و شرک کو تاریکی اور توحید و ایمان کو نور فرمایا ہے۔ ان چیزوں کا تعلق بصارت سے نہیں بلکہ بصیرت سے ہے۔

۴۔ ﴿یَہْدِی اللّٰہُ لِنُوْرِہِ مَنْ یَّشَآئُ﴾ (النور: ۳۵)

’’اللہ اپنے نور کی راہ دکھاتا ہے جسے چاہتا ہے۔‘‘

یہاں قرآن مجید کو نور فرمایا گیا ہے۔ اس کے دلائل و ہدایات نور افروز ہیں ۔ اس کی تعلیم روح کو روشن، قلب کو مزین کرنے والی ہیں ۔

۵۔ ﴿قَدْ جَآئَ کُمْ مِّنَ اللّٰہِ نُوْرٌ وَّ کِتٰبٌ مُّبِیْنٌ﴾ (المائدۃ: ۱۵)

’’تمہارے پاس اللہ کی طرف سے نور اور واضح کتاب آئی ہے۔‘‘

اس آیت میں وجود باوجود نبی کریم صلی اللہ علیہ وسلم کو نور ہدایت فرمایا گیا ہے۔

۶۔ ﴿اَوَ مَنْ کَانَ مَیْتًا فَاَحْیَیْنٰہُ وَ جَعَلْنَا لَہٗ نُوْرًا یَّمْشِیْ بِہٖ فِی النَّاسِ﴾ (الانعام: ۱۲۲)

’’وہ شخص جو مردہ تھا پھر ہم نے اسے زندہ کیا اور اسے نور دیا کہ لوگوں میں اس نور کے ساتھ چلتا پھرتا ہے۔‘‘

دعائے واپسی از طائف کا ایک فقرہ ہے:

((اَعُوْذُ بِنُوْرِ وَجْھِکَ الَّذِیْ اَشْرَقَتَ لَہُ الظُّلُمٰتُ وَصَلَحَ عَلَیْہِ