اسماء اللہ الحسنٰی قواعد معارف اور ایمانی ثمرات

اللہ تعالیٰ قادر ہے اور ﴿فَقَدَرْنَا فَنِعْمَ الْقٰدِرُوْنَ﴾ (المرسلٰت: ۲۳) ’’ہم نے اندازہ کیا اور ہم بہتر قدرت والے، بہتر اندازہ والے ہیں ۔‘‘ سے اس کی توانائی آشکار ہے۔

اللہ تعالیٰ قادر ہے: ﴿وَالْقَمَرَ قَدَّرْنَاہُ مَنَازِلَ﴾ (یٰسٓ: ۳۹) ’’ہم نے چاند کی منزلوں کو مقدر کر رکھا ہے‘‘ سے زمین و آسمان کا زیر قدرت ہونا ثابت ہے۔

پس القادر اللہ تعالیٰ کا نام اس لیے بھی ہے کہ وہ قدرت والا ہے اور اس لیے بھی کہ قدر و اندازہ کا مالک ہے۔

قرآن مجید میں قَدِیْرٌ بھی بطور اسم پاک آیا ہے۔

﴿اِنَّ اللّٰہَ عَلِیْمٌ قَدِیْرٌ﴾ (النحل: ۷۰)

’’اللہ تعالیٰ علم والا ہے، قدرت والا ہے۔‘‘

﴿وَ ہُوَ الْعَلِیْمُ الْقَدِیْرُ﴾ (الروم: ۵۴)

’’اللہ تعالیٰ تو علیم قدیر ہے۔‘‘

اور بطور وصف تو یہ ۳۷ مقامات پر آیا ہے۔

﴿وَ ہُوَ عَلٰی کُلِّ شَیْئٍ قَدِیْرٌ﴾ (ہود: ۴)

’’اور وہ ہر چیز پر قادر ہے۔‘‘

اَلْمُقْتَدِرُ ’’ہر طرح کی قدرت رکھنے والا‘‘

اس اسم میں بمقابلہ اسم قادر مبالغہ پایا جاتا ہے۔ یعنی اللہ تعالیٰ کو قدرت تامہ و کاملہ حاصل ہے۔ کمالاتِ دائمیہ پر اسے اقتدارِ کلی ہے۔ قرآن مجید میں ہے۔

﴿عِنْدَ مَلِیکٍ مُقْتَدِرٍ﴾ (القمر: ۵۵)

’’قدرت والے بادشاہ کے پاس۔‘‘

﴿اَخْذَ عَزِیْزٍ مُقْتَدِرٍ﴾ (القمر: ۴۲)