محبت کرنا سیکھئے

اللہ تعالیٰ سے محبت پیدا کرنے والی چیزیں

یہاں ان چیزوں کا ذکر کیا جارہا ہے جن کے انجام دینے سے محبت الٰہی حاصل ہوتی ہے اور ان کا جاننا ہر مسلمان کے لیے ضروری ہے کہ وہ کن طریقوں کو بروئے کار لائے جن سے اللہ تعالیٰ کی محبت اور خوش نودی حاصل ہو، اللہ تعالیٰ سے قربت ہو تاکہ دنیا وآخرت میں سرخروئی نصیب ہو۔

۱۔اللہ تعالیٰ کی معرفت :

اس بات کا علم رکھنا کہ اللہ تعالیٰ ہی ہمارا خالق ورازق ہے، وہی ہمارا پالنہار ہے، اس نے ہماری رشد وہدایت کے لیے نبیوں اور رسولوں کو مبعوث فرمایا، کتابیں نازل کیں ، جن میں سب سے آخری نبی حضرت محمد صلی اللہ علیہ وسلم ہیں جن پر اللہ کی آخری کتاب قرآن مجید نازل ہوئی ، اب جو ان کی اطاعت وفرماں برداری کرے گا وہ جنت میں داخل ہوگا اور جو ان کی نافرمانی کرے گا وہ جہنم میں داخل ہوگا۔ جیسا کہ اللہ تعالیٰ کا ارشاد ہے:

﴿ اِِنَّا اَرْسَلْنَا اِِلَیْکُمْ رَسُوْلًا شَاہِدًا عَلَیْکُمْ کَمَا اَرْسَلْنَا اِِلٰی فِرْعَوْنَ رَسُوْلًاo فَعَصٰی فِرْعَوْنُ الرَّسُوْلَ فَاَخَذْنَاہُ اَخْذًا وَّبِیْلًاo﴾

(المزمل: ۱۵-۱۶)

’’بے شک ہم نے تمہاری طرف بھی تم پر گواہی دینے والا رسول بھیج دیا ہے جیسے کہ ہم نے فرعون کے پاس رسول بھیجا تھا، تو فرعون نے اس رسول کی نافرمانی کی تو ہم نے اسے سخت (وبال کی) پکڑ میں لے لیا۔‘‘

اور یہ کہ اللہ تعالیٰ ہی عبادت وبندگی کے لائق ہے اور اسی لیے تمام جن وانسان کی تخلیق